Senator sapasyz ınternetke aıyppul somasyn ósirýdi usyndy

ASTANA. QazAqparat - Senator Ǵalıasqar Sarybaev elimizdiń Premer-Mınıstri Álıhan Smaıylovtyń atyna joldaǵan depýtattyq saýalynda tsıfrlandyrý salasyndaǵy problemalar týraly aıtty, dep habarlaıdy QazAqparat tilshisi.

«Data ortalyqtar (derekter óńdeý ortalyǵy) men serverler halyqaralyq standartqa sáıkes emes nemese múlde joq. Bilim jáne ǵylym, densaýlyq, áleýmettik, ekonomıka salalarynda keshendi qashyqtan oqytýdyń LMS, ERP platformalary tolyqqandy jumys istemeıdi», - dedi depýtat Senattyń jalpy otyrysynda.

Senator qalalyq jáne aýyldyq eldi mekenderdegi sapaly ınternetke qatysty alshaqtyq týraly da aıtty. Elimizde 100 adamnyń 15-i turaqty ınternetke tirkelse, aýyldyq jerlerde 100 adamnyń tek 8-i ǵana jelimen qamtamasyz etilgen. Senator tsıfrlandyrý salasynyń jaı-kúıin odan ári jaqsartý úshin birqatar usynys aıtty.

«Retteýshi tarapynan ınternet sapasy boıynsha talaptardy qatańdatý jáne aıyppul somasyn ulǵaıtý jóninde qoldanystaǵy zańnamalarǵa usynystar berýlerińizdi suraımyz. Іri tsıfrlyq habtar salý, joǵary dárejeli IT-kadrlardy daıarlaý boıynsha qajetti sharalar atqarýdy usynamyz», - dedi senator.