Senator polıtsııa jumysyna qatysty usynystar aıtty
NUR-SULTAN. QazAqparat – 2019 jyly qylmystyq quqyq buzýshylyqtyń 16 paıyzǵa tómendeýi úrdisi saqtady. Bul týraly elordada Polıtsııa departamenti ujymymen kezdesý barysynda senator Vladımır Volkov málim etti, dep habarlaıdy QazAqparat tilshisi.
«2019 jyly qylmystyq quqyq buzýshylyqtyń 16 paıyzǵa tómendeýi úderisi saqtaldy. Orta jáne aýyr emes qylmystar sany qysqardy. Adam óltirý, qaraqshylyq, tonaý, zorlaý, buzaqylyq áreketteri azaıdy», - dedi Vladımır Volkov.
Depýtattyń aıtýynsha, kámeletke tolmaǵandar tarapynan jasalǵan qylmystyq quqyq buzýshylyq faktileri azaıdy. Bul turǵyda atys qarýyn qoldaný arqyly jasalǵan qylmystar tómendedi.
«Sizderdiń qyzmetterińiz el azamattary múddelerimen jáne qaýipsizdikpen tikeleı baılanysty. Sondyqtan da Іshki ister mınıstrliginiń jumysy aıqyn ári júıeli túrde uıymdastyrylýy tıis. Polıtsııa óz jumysynda ashyq bolýy kerek, alaıda ol úshin sizderdiń qoǵamdastyqpen dıalogtaryńyz qajet», - dedi senator.
