Senator Oslodaǵy Beıbitshilik jáne adam quqy máseleleri jónindegi ortalyqtyń prezıdenti Kel Magne Bondevık bastaǵan delegatsııamen kezdesti

 dep habarlady Senattyń baspasóz qyzmeti.

Oslo qalasyndaǵy is-qımyly beıbitshilikti nyǵaıtý, adam quqyn saqtaý jónindegi toleranttyqty jáne yntymaqtastyqty damytýǵa, sondaı-aq barlyq qurlyqtaǵy qaqtyǵys aımaqtarynda úkimetter arasynda mámileger retinde kelissózder júrgizýge baǵyttalǵan Beıbitshilik jáne adam quqy máseleleri jónindegi ortalyq úkimettik emes uıym bolyp tabylady.

Kezdesý barysynda taraptar Qazaqstan-Norvegııa qatynastarynyń qarqyndy damýy jáne ony odan ári nyǵaıtýdyń keleshegin atap ótti. Qýanysh Sultanov Beıbitshilik jáne adam quqy máseleleri jónindegi ortalyq basshysyn memleket pen qoǵamdy odan ári demokratııalandyrýdy zańnamalyq turǵyda qoldaý jónindegi respýblıka Parlamentiniń jumysy týraly habardar etip, ultaralyq kelisim qoǵamyn qalyptastyrý jónindegi tájirıe týraly áńgimeledi.

«Qazaqstan - 130 ult pen 40 dinı konfessııa beıbit ómir súrip otyrǵan turaqty memleket. Búgin bizdiń elimiz azamattardyń negizgi - beıbitshilik pen kelisimde ómir súrý quqyǵy qamtamasyz etilgen burynǵy keńestik keńistiktegi eleýli elderdiń biri»,-dedi Q.Sultanov.

K.Bondevık ultaralyq jáne konfessııaaralyq kelisim ornyqqan qazaqstandyq qoǵam úlgisin, eldegi Qazaqstan Prezıdentiniń jetekshiligimen júrgizilip jatqan demokratııalyq reformalardy jáne aldaǵy EQYU-na tóraǵalyq etýdegi basymdyqtardy joǵary baǵalady.

Kezdesýde zańnamalyq negizdiń keıbir salalaryn odan ári jetildirý máseleleri boıynsha jan-jaqty pikir almasyldy. Júzdesýdegi áńgimege Senattyń Halyqaralyq qatynastar, qorǵanys jáne qaýipsizdik komıtetiniń hatshysy Ádil Ahmetov jáne senator Ǵanı Qasymov qatysty.