Senator Nurlan Bekenov TúrkPA komıssııasynyń otyrysyna qatysty

ASTANA. QazAqparat - Qazaqstan Respýblıkasy Parlamenti Senatynyń depýtaty Nurlan Bekenov Túrki memleketteri Parlamenttik Assambleıasynyń Qorshaǵan orta, tabıǵı resýrstar jáne densaýlyq saqtaý jónindegi komıssııasynyń otyrysyna qatysty, dep habarlaıdy QazAqparat.

QR Parlamenti Senaty baspasóz qyzmetiniń habarlaýynsha, otyrysta «TúrkPA-ǵa múshe elderdegi bıoalýantúrlilikti qorǵaý» otyrystyń basty taqyryby boldy. Senator komıssııa qyzmetiniń qorytyndylary men osy taqyryptaǵy baıandamany basqa elderden parlamentshilerimen birge talqylady.

Kezdesýge qatysýshylar bıoalýantúrlilikti qorǵaý salasyn zańnamalyq qamtamasyz etý men halyqaralyq ózara is-qımyl qajettigin, sondaı-aq osy saladaǵy aǵymdaǵy ahýal men problemalar týraly halyqty habardar etý úshin parlamenttik qyzmettiń mańyzdylyǵyn atap ótti.

Komıssııa músheleri sonymen qatar, «Reprodýktıvti densaýlyqty saqtaý týraly» úlgi zań jobasy boıynsha atqarylǵan jumystardy talqylady.