Senator Nazarbaeva Japonııa Elshisimen kezdesti
ASTANA. QazAqparat - Parlament Senaty Halyqaralyq qatynastar, qorǵanys jáne qaýipsizdik komıtetiniń tóraǵasy Darıǵa Nazarbaeva Japonııanyń Qazaqstandaǵy Tótenshe jáne Ókiletti Elshisi Itıro Kavabatamen kezdesti.
Meımanmen kezdesýde senator Memleket basshysynyń ótken jylǵy qarashadaǵy Japonııaǵa resmı saparynyń nátıjeli ári mazmundy bolǵanyn atap ótti.
I.Kavabata Qazaqstan men Japonııa arasyndaǵy dıplomatııalyq qatynastardyń ornaǵanyna 25 jyl tolýymen quttyqtady jáne ekijaqty qatynastardy damytýda mereıli jyl qosymsha serpin beretinin atap ótti.
Elshi eki eldiń zań shyǵarý organdary arasyndaǵy yntymaqtastyqty údetý maqsatynda aldaǵy ýaqytta japon parlamentshileriniń sapary týraly habardar etti.
Taraptar ekijaqty baılanystardyń ekonomıkalyq, gýmanıtarlyq jáne mádenı máselelerin de talqylady.
Kezdesý sońynda Japonııa Elshisi qazaqstandyqtardy Almatydaǵy dúnıejúzilik qysqy Ýnıversıadanyń ashylýymen quttyqtady.
