Senator medıtsınalyq aıyqtyrǵyshtardy qaıtadan Іshki ister mınıstrliginiń quzyryna berý máselesin kóterdi

Búgin QR Parlamenti Senatynyń jalpy otyrysynda Úkimet basshysynyń atyna saýal joldaǵan depýtat Murat Baqtııaruly  osyndaı másele kóterdi.

Esterińizge sala keteıik, buǵan deıingi quqyq qorǵaý organy salasyndaǵy reformalarǵa sáıkes, medıtsınalyq aıyqtyrǵyshtar Densaýlyq saqtaý mınıstrliginiń qaramaǵyna berilgen bolatyn.

«Medıtsınalyq aıyqtyrǵyshtardy Іshki ister mınıstrliginiń quzyrynan alyp, Densaýlyq saqtaý mınıstrliginiń quzyryna bergennen keıin biraz qıyndyqtar týyndaýda. Aıyqtyrǵyshtar ýaqytsha beıimdeý jáne ýytsyzdandyrý ortalyǵyna aınaldy. Mas nemese masańdaý kúıinde ákelingenderdiń arasynda  ortalyqtyń medıtsına qyzmetkerleriniń yrqyna kónbeı, túrli em sharalardy alýdyń ózinen bas tartyp jatatyndary da kóp kezdesýde. Munyń ózi dárigerlerdiń kúnbe kúngi jumystaryn da qıyndata túsedi. Endigi arada medıtsınalyq aıyqtyrǵyshtardy burynǵysynsha Іshki ister mınıstrliginiń quzyryna berý qajettiligi týyndaıtyn syńaıly», - deıdi senator M. Baqtııaruly.

Sonymen birge, senator nashaqorlardy májbúrli  túrde emdeıtin  narkologııalyk mekemelerdiń kúzeti de básekelestik ortaǵa berilgenin aıta kele, bunyń da olqy tustary bar ekendigin atap ótti. «Nashaqorlardyń kópshiligi kezinde qylmysty bolǵandar, sol úshin jazalaryn ótegender de barshylyq. Endeshe olar  keı jaǵdaıda túrme ǵadetimen ómir súrýge beıim turady da, tártip buzý oqıǵasyn jıiletip jiberedi. Nashaqorlardy 6 aıdan 2 jylǵa deıin medıtsınalyq jolmen májbúrli emdeý óz nátıjesin  bermeı de otyr.  Sebebi naýqastarda emdelip shyǵýǵa  degen ynta men yqylas  joq. Olar emdelip shyqqannan keıin ózderiniń  jumysqa ornalasa almaıtyndyqtaryn biledi de, nashaqorlyqqa qaıyra  boı aldyryp jatatyndyqtary da jıi kezdesedi», - deıdi senator.

Osyǵan oraı, depýtat «bálkim burynǵy Keńes odaǵy kezindegi sekildi májbúrli eńbek terapııasy bar emdeý-eńbek mekemesin qaıta jańǵyrtý qajet pe?» degen oıyn da ortaǵa saldy.