Senator Mamytbekov: Jaýapty hatshylar ınstıtýtyn joıý – revolıýtsııalyq sheshim
«Memleket basshysy Qasym-Jomart Toqaev QR Parlamenti palatalarynyń birlesken otyrysynda «Jańa jaǵdaıdaǵy Qazaqstan: is-qımyl kezeńi» atty Qazaqstan halqyna Joldaýyn jarııalady. Joldaý kútkendegideı boldy. Bul, ásirese pandemııa kezeńinde óte mańyzdy boldy, ol ekonomıkada da, áleýmettik salada da birqatar syrqat núkteler men júıeli problemalardy belgiledi.
Bul Joldaý, bir jaǵynan, belgili bir dárejede revolıýtsııalyq, ekinshi jaǵynan, QR Tuńǵysh Prezıdenti – Elbasy Nursultan Nazarbaevtyń mindetteri men nusqaýlaryn odan ári damytýǵa baǵyttalǵan evolıýtsııalyq bolyp tabylatynyn atap ótkim keledi. Bul jańa Qazaqstan qurylysynyń negizine alynǵan memleket saıasatynyń sabaqtastyǵyn kórsetedi.
Atap aıtqanda, el Prezıdenti memlekettik basqarýdyń jańa úlgisi men jańa kadr saıasaty qajet ekenin atap ótti. Qazirgi úlgi qazirgi zamanǵy talapty tolyǵymen qanaǵattandyrmaıdy. Osyǵan baılanysty strategııalyq josparlaý jáne reformalar jónindegi agenttikti qaıta qurý, oǵan Statıstıka komıtetin berý ózekti ári ýaqtyly bolyp otyr. Meniń oıymsha, bul is júzinde qoljetimdi emes, ǵylymı negizdelmegen, qarjysy is júzinde qumǵa ketken kóptegen memlekettik jáne salalyq baǵdarlamalardy ońtaılandyrýǵa múmkindik beredi», - dedi senator.
E.Mamytbekov Prezıdenttiń memlekettik qyzmetti qaıta saralaý tapsyrmasy týraly aıtty.
«Memlekettik apparatty jáne memlekettik qyzmetshiler sanyn 2020 jáne 2021 jyldary 25 paıyzǵa qysqartý týraly mindet qoıyldy. Bul. memlekettik qyzmetshilerdiń jalaqysyn arttyrýǵa múmkindik beredi. Al eńbekaqy tóleýdiń faktorlyq-baldyq júıesine kóshý sınergetıkalyq nátıje alýǵa múmkindik beredi.
Meniń oıymsha, jaýapty hatshylar ınstıtýtyn joıý týraly sheshim revolıýtsııalyq bolyp tabylady. Bul atalǵan ınstıtýt mınıstrlikterdiń turaqty jumysy men naqty kadr saıasaty bóliginde ózine júktelgen úmitterdi aqtamaýyna baılanysty. Sonymen qatar, mınıstrler men jaýapty hatshylar arasynda múddeler qaqtyǵysy jıi týyndady, bul memlekettik organnyń qyzmetine teris áser etti. Bul sheshim tek paıdaly bolady.
Joldaýdyń basty mazmuny ekonomıkalyq damý jáne halyqtyń ál-aýqatyn arttyrý bolyp tabylady. Onda Memleket basshysy mynadaı postýlattardan turatyn jańa ekonomıkalyq baǵytty aıqyndady: ıgilikter men mindetterdi ádil bólý, jeke kásipkerliktiń jetekshi róli, adal básekelestik, joǵary tehnologııalyq ekonomıka men adamı kapıtaldy damytý, jasyl ekonomıka men ekologııa máseleleri, negizdelgen sheshimder qabyldaý jáne olardyń qoǵam aldynda oryndalýy úshin jaýapkershilik bolyp otyr. Sondaı-aq Memleket basshysyna tikeleı baǵynatyn básekelestik jónindegi agenttik qurý da ózekti ekeni aqıqat», - dedi depýtat.
Senator atap ótkendeı, Qasym-Jomart Toqaev aǵymdaǵy jyldyń sońyna deıin jáne 2021 jyldyń birinshi jartysyna deıin qabyldanýy tıis birqatar zań jobalaryn aıqyndady. Bul energetıka, kólik áleýeti, munaı hımııasy jáne basqalary týraly zań jobalary.
«Joldaýdaǵy búkil bólim shaǵyn jáne orta bıznesti damytýǵa arnalǵan. Úkimetke shaǵyn jáne orta bıznes úshin birqatar preferentsııalar men yntalandyrý sharalaryn anyqtaý tapsyryldy. Memleket pen ınvestorlar arasyndaǵy ýaǵdalastyqtardy tirkeý maqsatynda ekonomıkanyń strategııalyq salalarynda qoldanylatyn strategııalyq ınvestıtsııalyq kelisimniń biryńǵaı quralyn ázirleý tapsyryldy. Budan basqa, óńdeý ónerkásibinde retteý tetigin ázirleý jáne kvazımemlekettik sektor qyzmeti úshin biryńǵaı zań ázirleý tapsyryldy.
Jalpy Joldaýda naqty mindetter, sheshý joldary aıqyndalyp, oryndalý merzimderi anyq belgilendi. Bizdiń basty mindetimiz – el Prezıdenti Qasym-Jomart Toqaev Joldaýda atap kórsetken barlyq nárseni oryndaý bolyp tabylady», - dep túıindedi oıyn E.Mamytbekov.
