Senator M. Baqtııaruly: Aldaǵy reformalar memlekettiń damý erekshelikterin kórsetetin bolady

ASTANA. QazAqparat - 26 sáýir kúni ótken saılaý qazaqstandyqtardyń, onyń ishinde qazaq ultynyń birtutas ult bolǵandyǵyn tolyq kórsete bildi. Óıtkeni, osy saılaýda qazaqstandyqtar buryn-sońdy bolmaǵan saıası belsendilik tanytyp, saılaý ýchaskelerine baryp, Ult kóshbasshysy N.Nazarbaevqa óz tańdaýlaryn jasady. Osyndaı pikirdi Senator Murat Baqtııaruly aıtty.

«Sizder jaqsy bilesizder, sol saılaýdan keıingi mańyzdy oqıǵa Prezıdentti ulyqtaý rásimi. Osy rásimde saılaýaldy tuǵyrnamasy boıynsha sóılegen sózinde Elbasy 5 ınstıtýttyq reformany júzege asyratyn tetikteri aıtyldy. Jeke óz basym senator retinde, saıasattanýshy retinde bul 5 reforma bes jylǵa emes, on nemese on bes jylǵa sozylatyn memlekettik qurylymdy, jalpy memlekettiń ekonomıkasyn áleýmettik jaǵynan, saıası jaǵynan, mádenıet jaǵynan qamtıtyn úlken saıası reforma der edim. Osydan meniń ózimniń túıgenim, 24 jyldyń ishinde Qazaqstan ótpeli kezeńdi aıaqtady dep aıtýǵa bolady. Qazaqstan osy ótpeli kezeńde qazaq memleketin tolyq qura aldy, búkil memlekettik ınstıtýttaryn tolyq ornyqtyrdy. Qazaqstan tolyqqandy birtutas ult retinde qalyptasty dep negizdeýge bolady. Sondyqtan da endi aldaǵy reformalar memlekettiń damý erekshelikterin kórsetetin bolady. Qazaqstandyqtardyń áleýmettik jaǵdaıyn jaqsartý úshin Elbasy keshegi ulyqtaý rásiminde sóılegen sózinde aıtqanyndaı orta taptyń jaǵdaıyn jasaý qajet.

Prezıdent janynan jańǵyrtý jónindegi arnaıy komıssııa qurylatyn bolady. Ol komıssııaǵa Qazaqstandaǵy eń myqty saıasattanýshylar, sarapshylar, kerek bolsa, shetelden aldyńǵy qatardaǵy mamandar tartylyp, alǵa damýǵa baılanysty Ulttyq jospar jasaldy. Ulttyq jospar - 100 qadam retinde jan-jaqty, búkil ekonomıka, áleýmettik sala boıynsha jańǵyrtý barysynda jumys jasaıtyn bolady. Oǵan Ulttyq komıssııa emes, Qazaqstannyń barlyq azamattary qamtylatyn bolady.

Meniń jeke óz basym qýanatynym, biz revolıýtsııalyq jolmen emes, evolıýtsııalyq, reformalyq jolmen damyp kele jatqan memleket ár ýaqytta da bolashaǵy jarqyn ári dáýletti memleket qataryna qosylady dep tolyq senimmen aıtýǵa bolady», - dedi Senator.