Senator Əlı Bektaev OQO-nyń eki aýdanynyń turǵyndarymen kezdesti

ShYMKENT. QazAqparat -  QR Parlamenti Senatynyń depýtaty Əlı Bektaev Ońtústik Qazaqstan oblysyndaǵy  Saıram jáne Túlkibas aýdandarynyń turǵyndarymen kezdesti. Senator Elbasynyń "Tórtinshi ónerkásiptik revolıýtsııa jaǵdaıyndaǵy damýdyń jańa múmkindikteri" atty Joldaýynyń oń basty baǵyttaryn  túsindirip ótti, dep habarlaıdy QazAqparat tilshisi.

Saıram aýdany ákimdiginiń úlken májilis zalynda ótken  otyrys kezinde  Əlı Ábdikárimuly Elbasynyń «Bolashaqqa baǵdar: rýhanı jańǵyrý» atty baǵdarlamalyq maqalasy aıasynda Respýblıka deńgeıinde atqarylǵan jumystar týraly aıta kele, maqalanyń  ulttyq kodymyzǵa, bolmysymyz ben sanamyzdyń damýyna mańyzy óte zor ekendigin jetkizdi. Kezdesý barysynda aýdan depýtattary men turǵyndar tarapynan senatorǵa saýaldar qoıylyp,  tıisti deńgeıde jaýaptar berildi.
 
 

Dál osyndaı kezdesý Túlkibas aýdanynda da ótti.
 

Álı Bektaev, sonymen qatar, Aqsýkent eldi mekeniniń irgesindegi jylyjaı keshenin aralap kórdi. Qazir bul keshen túrik tehnologııasymen qııar, qyzanaq ósiredi. Aýmaǵy 2 gektardan asatyn jylyjaı  jarty jylda 250-300 tonna ónim berýge qaýqarly.