Senator Kóbenov Pavlodar oblysynyń turǵyndarymen kezdesti
ASTANA. QazAqparat - Senat depýtattary aımaqtarǵa saparǵa attandy. 4 qańtarda senator Manap Kóbenov Pavlodar oblysyndaǵy Aqtoǵaı aýdanynda boldy. Aýdan ákimi Aǵybaı Ámirınmen kezdesýde aımaqtyń áleýmettik-ekonomıkalyq damýyndaǵy basymdyqqa ıe máseleler talqylandy.
Atap aıtqanda, Aqtoǵaı aýylyndaǵy ár úıdi aýyz sýmen qamtamasyz etetin sý qubyry qurylysynyń ІІ kezeńin iske asyrý keleshegi qaraldy. 2017 jyly bul baǵdarlamany iske asyrýǵa respýblıkalyq bıýdjetten 930 mıllıon teńge bólý kózdelip otyr.
Depýtat Aqtoǵaı aýylyndaǵy balalardyń óner mektebiniń jumysymen tanysyp, Aqtoǵaı aýdanynyń Qurmetti azamaty Jasulan Shormanov basqaratyn «Aýyldastar» klýbynyń ardagerlerimen áńgimelesti. Taıaý kúnderi Kóbenov Ekibastuz jáne Aqsý qalalaryna, sondaı-aq Pavlodar oblysyndaǵy birqatar aýdandaryna barýdy josparlap otyr.
