Senator kitaphanashylardyń jalaqysyn kóterýdi usynýda
ASTANA. 13 jeltoqsan. QazAqparat - QR Parlament Senatynyń depýtaty, áleýmettik-mádenı damý komıtetiniń múshesi Anatolıı Bashmakov kitaphanashylardyń mártebesin joǵarylatýdy usynýda.
«Bes jyl buryn Úkimet Parlamentke «Kitanhanalar týraly» zań jobasyn engizýi shart bolatyn. Alaıda áli kúnge deıin ol túsken joq. Onyń qajet ekeni daýsyz. Menińshe, kitaphanalar men kitaphanashylardyń memlekettik qyzmetkerler retindegi mártebesin joǵarylatý qajettiligi baıaǵyda-aq pisip-jetilgen», - dedi A.Bashmakov Táýelsizdik kúnine oraılastyrylǵan «Til. Tulǵa. Mádenıet» konferentsııasynda «QazAqparat» tilshisine bergen suhbatynda.
Onyń sózine qaraǵanda, atalmysh zań kitaphanashylardyń jalaqylaryn kóterý, materıaldyq-tehnıkalyq bazany jaqsartý, ádebıet qoryn tolyqtyrýǵa qajetti qosymsha qarjy bólý, kitaphanalardy qaıta jańǵyrtý men jóndeý, sonymen qatar zamanaýı kommýnıkatsııalyq qural-jabdyqtarmen qamtý máselelerin sheshetin edi.
«Árıne, kitaphanashylardy mártebesin kóterý qajet, sebebi olar Don Kıhottar sekildi. Olar árqashan aza jalaqy alyp keldi, tómen jaǵdaılarda is jasap júrdi, biraq ózderiniń ıdeologııalyq qyzmetterin toqtatqan joq», - dep túıdi sózin depýtat.
