Senator Qazsýshar kompanııasynyń qyzmetin synǵa aldy

NUR-SULTAN. QazAqparat - Shyǵys Qazaqstandaǵy «Qazsýshar» kompanııasynyń bógetteri men sý qoımalaryn qalpyna keltirý jumystary negizsiz keshiktirilip jatyr, bul óz kezeginde jobanyń qymbattaýyna ákelip soqtyrady. Bul týraly depýtattyq saýalynda senator Dúısenǵazy Mýsın málim etti, dep habarlaıdy QazAqparat tilshisi.

Depýtattyń aıtýynsha, 2014-2016 jyldary 5 birdeı joba boıynsha gıdrotehnıkalyq qurylystardy qaıta jańǵyrtý jumystary aıaqtalýy tıis edi, biraq jumys áli aıaqtalmaǵan. Shyǵys Qazaqstan oblysy basshylyǵynyń ótinishterinen keıin, senator kásiporyndy aralap, jaǵdaımen sol jerde tanysty. Máselen, jóndeý jumystarynyń negizsiz keshigýine baılanysty Zaısan aýdanyndaǵy Úıdene sý qoımasyn qalpyna keltirý quny 851 mıllıon teńgege ósti, al Qarǵyba ózenindegi bógetti jóndeý 320 mıllıon teńgege deıin qymbattaýy múmkin.

«Osy jobalardyń ýaqytyly aıaqtalmaýyna baılanysty 28 646 gektar sýarmaly jer kóp jyldar boıy tıimdi paıdalanylmaı, aýyl sharýashylyǵy taýaryn óndirýshilerdiń qarjy jaǵdaıyna jáne ondaǵan eldi mekenderdiń áleýmettik-ekonomıkalyq jaǵdaıyna eleýli nuqsan keltirdi. Joǵaryda aıtylǵandardy negizge ala otyryp, sýarmaly jerlerdi tıimdi paıdalaný maqsatynda atalǵan jobalardy aıaqtaýdy qarjylandyrýdy qarastyryp, sheshimin tabýǵa kómektesýińizdi suraımyn», - dedi depýtat Úkimet basshysy Álıhan Smaıylovtyń atyna joldaǵan saýalynda.

Budan buryn habarlanǵandaı, búgin Senattyń jalpy otyrysynda «Qazaqstan Úkimeti men Qytaı Úkimeti arasyndaǵy ıAdrolyq materıaldardy, radıoaktıvti materıaldardy, radıoaktıvti qaldyqtardy jáne radıatsııalyq-qaýipti zattardy zańsyz ótkizýdi bolǵyzbaýdaǵy ózara is-qımyl jónindegi kelisimdi ratıfıkatsııalaý týraly» Zańy qabyldandy.