Senator «Qazaqstan turǵyn úı» kompanııasyn Ulttyq qordan qarjylandyrýdy usyndy
ASTANA. KAZINFORM – Senat depýtaty Bekbol Orynbasarov Premer-mınıstr Oljas Bektenovke saýal joldap, «Qazaqstan turǵyn úı kompanııasy» aktsıonerlik qoǵamyn Ulttyq qordan qarjylandyrý usyndy.
- Jańa bıýdjet kodeksiniń qoldanysqa enýine baılanysty buǵan deıin eldi mekenderdegi respýblıkalyq damý bıýdjeti esebinen qarjylandyrylyp kelgen is-sharalar 2026-2028 jyldarǵa arnalǵan jalpy sıpattaǵy transfertter bazasyna berildi. Tek jalpymemlekettik mańyzy bar, asa mańyzdy nysandarǵa ǵana erekshelik jasalǵan. Jańa júıege kóshý óńirlerdiń naqty qajettiligi men bólinetin qarajat arasyndaǵy aıtarlyqtaı alshaqtyqty kórsetti. Bul ınjenerlik ınfraqurylymnyń shekten tys jetkiliksiz qarjylandyrylýyna ákelip soǵyp otyr. Naqty qajettilik 184 mln teńge bolsa, bıyl jalpy sıpattaǵy transfertter sheńberinde jelilerdi damytýǵa bólingen qarjy kólemi nebári 26,6 mlrd teńge bolǵan, - dedi senator.
Onyń aıtýynsha, osynyń saldarynan jobalar keshigip, qurylys shyǵyndary arttyryp jiberýi múmkin.
- Daıyndalǵan jer telimderiniń ótkir tapshylyǵy týyndaýy múmkin. Turǵyn úı men ınfraqurylym nysandaryn iske qosýdyń josparyn buzylý qaýpi qalyptasady, - dedi ol.
Aıta keteıik, búgin Senatta muǵalimdi artyq júktemeden bosatatyn zań maquldandy.
