Senator Káletaev Túrikmenstandaǵy saılaýdy baıqaýǵa qatysty

ASTANA.  QazAqparat - Qazaqstan Respýblıkasy Parlamenti Senatynyń depýtaty Darhan Káletaev Shanhaı yntymaqtastyq uıymy (ShYU) mıssııasynyń quramynda Túrikmenstanda prezıdent saılaýyn baıqaýǵa qatysty.

Mıssııa músheleri saılaý aldy úgitteý naýqany men onyń buqaralyq aqparat quraldarynda berilý barysymen tanysty jáne saılaý kúni Ashǵabat pen el aımaqtaryndaǵy saılaý ýchaskelerinde  boldy.

ShYU baıqaýshylary saılaý qorytyndysy boıynsha azamattardyń, onyń ishinde jastardyń kóp qatysqanyn atap ótti. Mıssııa Túrikmenstandaǵy prezıdent saılaýy ulttyq zańnamalar men memlekettiń halyqaralyq saladaǵy qabyldaǵan mindettemelerine saı ótkeni týraly qorytyndy jasady. Sonymen birge ShYU ókilderi jekelegen tehnıkalyq olqylyqtar ushyrasqanyn, alaıda onyń saılaýshylardyń tańdaý nátıjesine áseri bolmaǵanyn málim etti.