Senator qabyldaǵan 25 turǵynnyń máseleleriniń kópshiligi sol jerde sheshildi –Taldyqorǵan
Senator qabyldanǵan jańa zańdar men qoldanystaǵy zańdarǵa túzetýler, quqyq qorǵaý organdaryndaǵy reformalar týraly aıtyp, áleýmettik qoldaý jónindegi aımaqta júzege asyp jumystardy azamattarǵa tanystyrdy.
Lázzat Súleımen sapar barysynda «Tsıfrlyq Qazaqstan» memlekettik baǵdarlamasy aıasynda ashylǵan «Jetysu Hub» IT-ortalyǵynda stýdentter men balalar jasaǵan jańa jobalardy kórdi. Ortalyq jas IT-mamandardy daıarlaýǵa, halyq arasynda startap-mádenıetti qalyptastyrýǵa jáne el ekonomıkasyn ilgeriletýge arnalǵan joǵary tehnologııalyq jobalardy ázirleýge baǵyttalǵan.
B.Rımova atyndaǵy drama teatrda bolǵan kezde onyń dırektory Rýslan Seńkebaev aldaǵy qoıylymdar men teatr ujymynyń aǵymdaǵy jylǵa arnalǵan josparlary týraly depýtatqa aıtyp berdi.
Jumys sapary barysynda senator Qazaqstan halqy oblystyq assambleıasynda bolyp, medıatsııa ortalyǵynyń jumysymen tanysty. Kezdesý barysynda Qazaqstandaǵy medıatsııa ınstıtýtyn odan ári damytý keleshegi, daýlardy sottan tys jáne sotqa deıingi retteý ınstıtýttaryn memlekettik retteý tetikteri, sondaı-aq medıatsııaǵa baılanysty búgingi tańda oryn alǵan ózekti máseleler talqylandy. Qatysýshylar sonymen qatar kópbalaly otbasylardy áleýmettik qoldaý, balalardyń quqyqtaryn qorǵaý, qylmystyq jaýapkershilik máselelerin kóterdi.
Lázzat Súleımen «Qulaq asatyn memleket» tujyrymdamasyn júzege asyrý aıasynda 25 azamatty jeke qabyldady. Taldyqorǵan qalasynyń turǵyndaryn áleýmettik qoldaý, onyń ishinde ataýly áleýmettik kómekti jańa sıpat boıynsha taǵaıyndaý, jumysqa ornalastyrý, turǵyn úı, memlekettik grant, ómirde qıyn jaǵdaıǵa tap bolǵan adamdardy áleýmettik qoldaý máseleleri mańyzdy bolyp otyr. Qabyldaý barysynda kóterilgen máselelerdiń kópshiligi sol jerde sheshildi. Senator qalǵan máseleler boıynsha zań aıasynda tolyq túsinik berip, keıbir máselelerdi baqylaýǵa aldy.
Al Senat depýtaty Tóleýbek Muqashev Qazaqstan Respýblıkasy Ulttyq ulany 5574 áskerı bóliminiń jaýyngerlik jáne ádistemelik daıyndyq ortalyǵyna bardy.
Senator Іshki ister mınıstrligi men Ulttyq ulannyń bólimsheleri jáne elimizdiń basqa da áleýetti qurylymdary is júzinde daıyndyqtan ótetin ortalyqtyń negizgi mindetterimen, ınfraqurylym bólimi, kazarmalyq-turǵyn úı qory, oqý materıaldyq-tehnıkalyq bazasynyń jaı-kúıi jáne damý keleshegimen tanysty.
Áskerı basshylyqpen kezdesýde ortalyqtyń jumys sapasyn qamtamasyz etý jónindegi ózekti máseleler talqylandy.
Foto: senate.parlam.kz