Senator Hýsaın Valıevtiń «Prezıdent jáne álem» atty kitaby úsh tilde jaryq kórdi

Bul erekshe jınaqty Astana qalasyndaǵy «Folıant» baspasy shyǵaryp otyr.

Bul kitapqa elimizdiń Prezıdenti Nursultan Nazarbaevtyń atymen tyǵyz baılanysty bolǵan táýelsiz Qazaqstannyń 20 jyldaǵy qol jetkizgen tabystardyń áserli jetistikteri men orasan zor qadamdary arqaý bolǵan.

 «Búgin biz ótken eleýli isterdi qorytyndylaımyz, bul - negizinen ne jasalǵany, sonymen qatar, keleshekte qandaı mańyzdy ister atqarý kerektigi týraly oı qorytyndysy. Árıne, bul jetistikter men eleýli tabystar Qazaqstan Respýblıkasynyń Prezıdenti N.Á.Nazarbaevtyń esimimen tikeleı baılanysty»,- deıdi H.Valıev.

Sonymen qatar kitaptyń avtory tulǵanyń qalyptasýy jáne Otan taǵdyrynyń saıasat bıiktiginiń shyńyna kóterilgen birtýma tulǵanyń taǵdyrymen órilý jolyn aıshyqtaıdy.

Ómirden alynǵan naqty mysaldar arqyly Elbasynyń januıada alǵan úlgi-ónegesi, bilimge degen qushtarlyǵy, óndiristegi aýyr jumysy men saıası qyzmeti jan-jaqty kórinis tapqan.

Senatordyń aıtýynsha, Elbasy elimiz úshin kúrdeli jáne qıyn kezeńde onyń aıaǵynan tik turyp ketip, turaqty damýy úshin bar aýyr júk pen jaýapkershilikti moınyna aldy. Ol beıbitshilik pen kelisim, kemel damý men turaqtylyqty arqalaǵan, gúldený men tabysqa qol jetkizýge asyqqan tájirıbeli kapıtan sııaqty el kemesin tapjylmaı júrgizip keledi. Ótken 20 jyl ishinde elimiz ózge elder júz jáne júzden astam jyl jete almaǵan bıik shyńdarǵa jetti.

Jınaqta «Tulǵanyń qalyptasýy», «Eldi taný jáne syılastyq», «Tabys jáne rýhanı kelisim», «Táýelsizdik strategııasy», «Bolashaqty jasaı otyra, osy zamandy basqaramyz», «Bolashaqtyń irgesin birge qalaımyz» degen kólemdi maqalalar toptastyrylǵan.

«Prezıdent týraly elde ǵana emes, shet elderde de kóp aıtylady. Kóptegen baspa materıaldary paıda bolyp, kitaptar shyǵarylýda, derekti jáne kórkem fılmder túsirilýde. Bul ister aqylǵa qonymdy, durys, óıtkeni ol - erekshe tulǵa, qyzyǵýshylyqty týdyrady, árqashan kópshilik nazarynda. Bul kitapta men hronologııalyq naqtylyq pen ómir jaǵdaıynyń barlyq aspektilerin qamtý maqsatyn kózdemeımin. Onyń qajeti de joq shyǵar dep oılaımyn. Qysqa túrde Qazaqstannyń damý jolyn jáne el Prezıdentiniń bolashaqqa degen umtylysyn, bizdi qorshaǵan jahandyq álemdegi trıýmfqa jetý jolyn óz kózqarasymmen aıtýdy jón kórdim»,- deıdi Senat depýtaty.

Aıta ketý kerek, senator Hýsaın Hasenuly - PhD fılosofııa doktory, tehnıka ǵylymdarynyń doktory, professor, birqatar halyqaralyq jáne otandyq Ǵylym Akademııalarynyń tolyq múshesi.