Senator geologııalyq barlaýǵa bóletin bıýdjetti ulǵaıtýdy usyndy

ASTANA. KAZINFORM – Senator Shákárim Buqtuǵutov Premer-Mınıstr Oljas Bektenovtiń atyna joldaǵan saýalynda geologııalyq barlaý derekteri talapqa saı saqtalmaı jatqanyn másele etip kóterdi.

«2003-2023 jyldar aralyǵynda Qazaqstanda aýmaǵyndaǵy negizgi geologııalyq barlaý jumystaryna bıýdjeten 640 mln dollar bólingen. Salystyryp aıtsaq, tek 1990 jyly ǵana bul jumystarǵa 600 mln dollar bólingen. Halyqaralyq tájirıbeni qarasaq, bir sharshy shaqyrym aýmaqty geologııalyq barlaýǵa Aýstralııa 167 dollar, Kanada 203 dollar, Ózbekstan 98 dollar bóledi. Bizdiń respblıka bir sharshy shaqyrymdy barlaýǵa bar bolǵany 8 dollar ǵana bóledi.

Qazirgi tańda respýblıkalyq geologııalyq qorda 4,5 mıllıonnan astam geologııalyq esepter saqtaýly tur. Onyń bári grafıkalyq tasyǵysh, magnıttik tasyǵysh, kartrıdj sııaqty túrli quralda, nashar jaǵdaıda saqtalǵan. Jer qoınaýyn ıgerýshiler qandaı da bir geologııalyq aqparatty alýǵa 3 aıdan astam ýaqyt joǵaltyp júr.

Senator minerals.gov.kz biryńǵaı platformasy qajetti talapqa sáıkes kelmeıtinin atap ótti.

«Ekonomıkany damytý negiziniń biri retinde geologııalyq salany naqty transformatsııalaý jóninde sharalar qabyldaý qajet. 2025-2027 jyldarǵa arnalǵan respýblıkalyq bıýdjetti qalyptastyrý kezinde bul máseleni qarastyrý asa mańyzdy. Resýrstyq bazany damytý aıasynda metaldardyń neǵurlym suranysqa ıe sanattary boıynsha basymdyq berý qajet. Keri baılanysty eskere otyryp, jer qoınaýyn paıdalanýshylardyń biryńǵaı platformasynda jınaqtalǵan tarıhı geologııalyq aqparatty tsıfrlandyrýdy aıaqtaý, sondaı-aq jer qoınaýyn paıdalanýshylardyń ǵylymı-zertteý jáne tájirıbelik-konstrýktorlyq jumystardy qarjylandyrýǵa bóletin qarjysynyń 50% paıdalaný máselesin qaraý kerek», - dedi Shákárim Buqtuǵutov.