Senator Ǵanı Qasymov kezekten tys Prezıdenttik saılaýǵa qatysý úshin OSK-ǵa ótinish berdi
ASTANA. 20 aqpan. QazAqparat /Aıdar Ospanalıev/ - Parlament Senatynyń depýtaty Ǵanı Qasymov 3 sáýirde ótetin kezekten tys Prezıdenttik saılaýǵa qatysý úshin Ortalyq saılaý komıssııasyna ótinish berdi.
Bul týraly búgin Ortalyq saılaý komıssııasynyń baspasóz qyzmetinen habarlandy.
Baspasóz qyzmetiniń málimetterine qaraǵanda, senator Ǵ.Qasymovty kezekten tys Prezıdenttik saılaýǵa Patrıottar partııasy usynyp otyr. Bul osymen alda ótkeli otyrǵan saılaýǵa qatysý úshin OSK-na ótinish bergen 20-shy azamat.
Sondaı-aq Ǵ.Qasymov búgin Prezıdenttike kandıdattardyń memlekettik tildi erkin meńgergendigin anyqtaý jónindegi lıngvıstıkalyq komıssııaǵa emtıhan tapsyrady dep josparlanyp otyr.
