Senator Ǵ. Qasymov saılaý týraly zańǵa ózgerister engizý máselesin kóterdi
A. Qazannyń 14-i. QazAqparat /Qanat Mámetqazyuly/ - Búgin QR Parlamenti Senatynyń jalpy otyrysynda Úkimet basshysynyń atyna saýal joldaǵan senator Ǵanı Qasymov saılaý týraly zańǵa ózgerister engizý jóninde másele kóterdi.
«Qurmetti Kárim Qajymqanuly! Sizden, QR Ádilet mınıstrliginiń Ortalyq saılaý komıssııasymen birlese otyryp, «Qazaqstan Respýblıkasyndaǵy saılaý týraly» Konstıtýtsııalyq zańǵa ózgerister men tolyqtyrýlar engizý máselesine qatysty tapsyrma berýińizdi suraımyn. Bul zań jobasynda birinshiden - Parlament Májilisiniń quramyna arnalǵan saılaýǵa qatysatyn partııalyq tizim úshin eń tómengi shek deńgeıin 7-den 5 paıyzǵa deıin tómendetý, ekinshiden - saılaý naýqanyna qatysatyn partııalar úshin saıası bloktar qurýǵa qatysty tyıymdy alyp tastaý, úshinshiden - depýtattyq mandat alý boıynsha bir saıası partııadan 60 paıyzdan aspaıtyn lımıt qoıý qarastyrylsa», - dedi Ǵ. Qasymov.
