Senator Ǵ. Qasymov kelesi 2012 jyldyń merekelik jáne demalys kúnderiniń kestesin tutastaı bekitýdi usynady
TANA. 20 qazan. QazAqparat /Qanat Mámetqazyuly/ - Úkimet bir otyrysynda 2012 jyldyń tutastaı merekelik demalatyn kúnderin naqtylap, bekitse ıgi.
Búgin QR Parlamenti Senatynyń jalpy otyrysynda Úkimet basshysynyń atyna saýal joldaǵan senator Ǵanı Qasymov osylaı málim etti.
«Qazaqstan Respýblıkasynyń zańnamasyna sáıkes ulttyq merekeler, memlekettik merekeler, kásibı jáne ózge de merekeler atap ótiledi. Mereke kúnderi jumys istemeıtin kúnder bolyp tabylady. Demalys jáne mereke kúnderi sáıkes kelgen jaǵdaıda merekeden keıingi jumys kúni demalys kúni retinde belgilenedi. Mereke kúnderi men demalys kúnderi arasynda bir jumys kúni bolǵan jaǵdaıda jumys istemeıtin demalys kúnderin jumys kúnine aýystyrý máseleleri Qazaqstan Respýblıkasy Úkimeti qaýlysymen retteledi. Al ondaı Úkimettiń qaýlylary týra mereke kúniniń aldynda ǵana shyǵady da buqaralyq baspasóz quraldarynda dál mereke qarsanynda jarııalanady. Bul bolsa demalys ornyn, otbasymen birge saparǵa shyǵýdy taǵy da basqa jaǵdaılardy aldyn ala josparlaýǵa qolaısyz bolyp keledi», - deıdi senator.
Onyń aıtýynsha, TMD memleketteriniń birqatarynda Úkimettiń bir qaýlysymen tutas kelesi jyldyń merekelik jáne demalys kúnderiniń kestesin bekitý tájirıbesi oryn alǵan.
«Osyny eskere otyryp, Úkimettiń otyrystarynyń birinde 2012 jylǵa arnalǵan merekelik jáne demalys kúnderiniń naqtylanǵan kestesin, memlekettik merekeler men aýystyrylǵan demalys kúnderi qunttalǵan Úkimettiń bir qaýlysymen bekitý máselesi qarastyrylsa. Bul bizdiń azamattardyń demalýyna jáne jumys ýaqytyn tıimdi paıdalanýyna, aldaǵy merekelerdi oryndy josparlaýyna jol ashady. Demalys kúnderi men jumys istemeıtin kúnderdi tıimdi paıdalaný qyzmetkerlerdiń qyzmetteriniń ónimdi bolýyna oń áserin tıgizetinin senimmen aıta lamyn», - dedi Ǵ. Qasymov.
