Senator Ǵ. Qasymov BAQ bostandyǵyna qatysty pikir almasý alańy konferentsııasyn Ortalyq Azııada dástúrli túrde jalǵastyrý týraly usynys jasady
«BAQ máselesine keletin bolsaq, osydan on-on bes jyl burynǵy problemalardy dál búgingi jaǵdaımen salystyrýǵa kelmeıdi. Úderis qarqyndy júrip jatyr, bir orynda turyp qalǵan emespiz. Alaıda, biz búgingi kúni 4-5 oppozıtsııalyq buqaralyq aqparat quraldary aıasyndaǵy áńgimeden asa almaı otyrmyz. Bul rette bizdiń qoǵamdyq ómirimizde júrgizilip jatqan sharalardyń bári zańnamalyq turǵydan demokratııalyq damýǵa qatysty udaıy qoldaý jasalyp jatqanyn atap ótý kerek. Biz demokratııalandyrý úderisiniń, EQYU joǵary standarttarynyń odan ári atqarylýyn ári sheshim tabýyn qoldaımyz. Bundaı mindetter aldaǵy sammıtpen aıaqtalyp qalmaýy da tıis», - degen Ǵ. Qasymov Varshava konferentsııasynyń Astanada jalǵasyn tapqanyna rızashylyǵyn bildirdi.
«Jyl saıyn dástúrli túrde Ortalyq Azııa óńirinde BAQ bostandyǵyna qatysty pikir almasý alańyn jalǵastyrýdyń mańyzy zor. Men osyny usynamyn», - dedi Ǵ. Qasymov.
