Senator: Eldegi jylý júıesiniń basty problemasy olıgopolııadan týyndap jatyr

ASTANA. QazAqparat – Eldegi jylý júıesiniń basty problemasy olıgopolııadan týyndap jatyr. Senattyń Ekonomıkalyq saıasat, ınnovatsııalyq damý jáne kásipkerlik komıtetiniń hatshysy Serik Shaıdarov Óńirlerdi damytýǵa arnalǵan Parlamenttik tyńdaýda osyndaı paıym aıtty, dep habarlaıdy QazAqparat tilshisi.

«Elordany damytý jónindegi keńeste Memleket basshysy Astana qalasynda jylý energııasynyń tapshylyǵy 300 gıgakalorııadan asatynyn atap ótti. Osyndaı problema Jezqazǵan, Semeı, Taraz, Pavlodar sııaqty qalalarǵa da tán.

Barlyq osy problemalardyń basty sebepteriniń biri – ol olıgopolııa jáne jylý men elektr energetıkasy kásiporyndarynyń affılıırlenýi ekenin atap ótkim keledi.

Jylý elektr ortalyǵynyń shamamen 60%-y (37-siniń 22-si) jeke menshikte, olardyń kópshiligi 1990 jyldary jekeshelendirý barysynda tym arzan baǵamen satyp alyndy», - dedi ol.

Senatordyń sózine qaraǵanda, Qazaqstanda óndiriletin elektr energııasynyń 64%-y tek 5 kompanııa ǵa tıesili.

«Joǵaryda atalǵan problemalardy sheshý úshin Úkimet «Jylý energetıkasy týraly» Zań jobasyn ázirledi.

Bul qujat birqatar mańyzdy novellalardyń bolýyna qaramastan, qazirgi kúrdeli jaǵdaıdy túzetýge qajet sharalardy qamtymaıdy. ıAǵnı, osy salanyń barlyq ózekti máselelerin sheshý baǵytynda naqty zańnamalyq túsinik joq.

Energetıka mınıstrligi ákimdikterdiń jylý energetıkasyn damytýdyń master-josparlaryn ázirleý, tarıfterdi kóterý jáne bıýdjet qarajatyn bólý arqyly jaǵdaıdy retteýge tyrysady.

Sondyqtan el ekonomıkasyn monopolııasyzdandyrý qajettiligin eskere otyryp, osy zań jobasyn aǵymdaǵy syn-qaterlerge barynsha beıimdeýdi qamtamasyz etý qajet dep sanaımyz», - dedi Senat depýtaty.