Senator Elbasy maqalasy týraly: Úndeýde mańyzdy qundylyqtar aıtyldy
«Halqymyzda «Kórgeni jaqsy kósh bastaıdy» degen qanatty sóz bar. Qazaq kóshin 30 jyldan astam ýaqyt boıy bastap kele jatqan QR Tuńǵysh Prezıdenti, Elbasy Nursultan Nazarbaevtyń búgingi úndeýi halqymyzdy birlik pen yntymaqqa shaqyrady. Tótennen kelgen náýbetpen kúresýde Qazaqstan Respýblıkasynyń Prezıdenti men Úkimettiń jáne jergilikti atqarýshy organdardyń qoıyp otyrǵan qatań talaptaryn saqtaýǵa úndeıdi. Qytaı eli qatań tártiptiń arqasynda bul indetti aýyzdyqtady. Elbasy úndeýinde aǵa-urpaq ókilderine sóz arnap, olardy eldi bir bolýǵa, yntymaqty bolýǵa, ıgilikti isterdiń basynda turýǵa, salaýatty ómir saltyn ustaýǵa shaqyrdy. Elbasy jas urpaq ókilderine arnaǵan sózinde «Elimizdiń bolashaǵy sizdersizder, búgingi jas urpaq egemendigimizdiń qurdastary, aǵa urpaq ókilderi sizder úshin qolynan kelgenniń barlyǵyn jasady, endi kezek sizderde dep senim artty», - dedi Á. Qurtaev.
Onyń aıtýynsha, kezinde Elbasynyń bastamasymen qurylǵan túrli baǵdarlamalardyń negizinde óz isin dóńgeletken kásipkerlerdiń osyndaı qıyn sátterde elge paıdasyn tıgizetin ýaqyt keldi.
«Elbasy kásipkerlerge sóz arnady. Táýelsizdik alǵaly Elbasynyń bastamasymen qolǵa alynǵan «Qazaqstan - 2050» baǵdarlamasynyń ishindegi ındýstrıaldy-ınnovatsııalyq damý baǵdarlamasynyń arqasynda elimizde 1 myńnan asa kásiporyndar ashyldy. Kóp kásipkerler búgingi kúni aıaǵynan turdy, endi olar men elime ne beremin degen ýaqyt keldi dedi. Óz kezeginde kásipkerler de Elbasynyń bastamasymen qurylǵan «Biz birgemiz» qoryna BAQ málimeti boıynsha 14 mlrd teńgeden astam qarjy quıdy. Bul ıgi is ári qaraı jalǵasyn tabady dep senip otyrmyz», - dedi ol.
Sondaı-aq, senator Prezıdent pen Úkimet qabyldaǵan shuǵyl sharalar ýaqytynda júzege asyp, kez kelgen qıyndyqty eńseretinimizge senim artty.
«Qıyn kezde beldi bekem býyp, yntymaq, birlikti berik ustap Prezıdenttiń, Úkimettiń talaptaryn oryndasaq, bul qıyndyqtan da shyǵamyz. Óıtkeni, Elbasymyz Qazaqstandy máńgilik el bolýǵa bastaıtyn basty baǵyttardy aıtyp berdi», - dedi depýtat.
Aıta keteıik, búgin QR Tuńǵysh Prezıdenti – Elbasy Nursultan Nazarbaevtyń Egemen Qazaqstan gazetinde maqalasy jarııalandy.
Foto: egemen.kz
