Senator Ekibastuzdaǵy jylý júıesine júrgizilgen aýdıttiń sozylyp ketkenin synǵa aldy
«Qazaqstan ekonomıkasynyń energetıkalyq ortalyǵy, ıaǵnı elektr qýatynyń jartysyna jýyǵyn, kómiriniń jartysynan astamyn berip otyrǵan Pavlodar oblysy, Sherhan Murtaza aǵamyz aıtpaqshy, «altyn sandyq ústinde jalańbut otyrǵan» ekibastuzdyqtardyń ahýaly bárimizge syn bolyp otyr», - degen senator atalmysh qaladaǵy jylýmen jabdyqtaý júıesine júrgizilip jatqan túgendeý jumystarynyń uzaqqa sozylyp ketkenine alańdaýshylyq bildirdi.
«Jylýmen jabdyqtaý júıelerine júrgizilgen tehnıkalyq aýdıttiń qorytyndysyn nelikten sozyp otyrmyz? Qalada jylytý maýsymy aıaqtalǵannan keıin bastalatyn keń aýqymdy jóndeý jumystaryn júrgizý úshin shamamen qansha mıllıard qarjy qajet? Oǵan qajetti qarajattyń qansha paıyzyn quryltaıshysy Aleksandr Klebanov bolatyn kompanııa moınyna almaqshy? Kelesi qysty ekibastuzdyqtar kóńilderi alańdamaı qarsy alatyndaı jaǵdaı jasalady dep aıta alasyz ba?», - dep surady Altynbek Nuhuly.
Energetıka mınıstri Bolat Aqsholaqovtyń sózine qaraǵanda atalmysh aýdıttiń qorytyndysy naýryz aıynda shyǵýy kerek.
«Aldyn ala aıtaıyn, Memleket basshysy bergen tapsyrmaǵa baılanysty búkil jylý-elektr ortalyqtaryn tekserý jumystaryn birinshi toqsannyń aıaǵyna deıin aıaqtaýymyz kerek. ıAǵnı, naýryz aıynyń aıaǵyna deıin osy is júrgizilip jatyr. Qasymda Dúnıejúzilik banktiń ókili otyr. Sonyń kómegimen qarajat ta bólindi. Qazirgi tańda birikken top búkil 37 jylý-elektr ortalyǵynyń jumysyn tekserip júr. Onyń qorytyndysyn birinshi toqsannyń aıaǵynda kútemiz», - dedi vedomstvo basshysy.
Sondaı-aq, ol Ekibastuzdyń jylý máselesin sheshýge qansha qarajat qajettigi ázirge belgisiz ekenin aıtty.
«Jóndeý jumystaryna qansha qarajat shyǵatyny da ázirge belgisiz. Bul da osy aýdıttiń bir bólshegi. Jalpy somasyn aıtýǵa da bolady. Biraq ol naqty soma emes. Zertteý jumystary aıaqtalǵan soń belgili bolady.
Al Ekibastuz stansasynyń ıesi qarajat bóle me, joq pa degen másele de qazir qarastyrylyp jatyr. Árıne, bul stansalardy jóndeýge jáne jumys isteýine qarajat bólý olardyń mindeti. Qazir qaı jolmen jasalatyny, birlesip jasaımyz ba, ıa bolmasa, óz qarajatyn bóle me, ol áli anyq emes. Kelissóz júrgiziledi», - dedi mınıstr.
Foto: primeminister.kz