Senator derbes sý sharýashylyǵy vedomstvosyn qurýdy usyndy
«Eń bastysy, qazir sý tapshylyǵynyń ósýi jaǵdaıynda kóptegen elder sý resýrstaryn basqarýdaǵy saıasatyn ózgertip, osy saladaǵy memlekettik baqylaýdy kúsheıtýde. Mundaı elderde sý resýrstaryn basqarýdyń biryńǵaı memlekettik vertıkaly qurylǵan, sý sharýashylyǵynyń mamandandyrylǵan mınıstrligi (agenttigi) uıymdastyrylǵan. Al bizde sý máselesimen 6 mınıstrlik, jergilikti atqarýshy organdar jáne «Samuryq-Qazyna» aktsıonerlik qoǵamy aınalysady. Jalpy, biz memlekettik organdardyń sanyn kóbeıtýge qarsymyz, biraq sý sharýashylyǵyn basqarýda únemdeýge bolmaıdy. Salanyń strategııalyq mańyzdylyǵyn eskere otyryp, Qazaqstanda sý resýrstaryn ıntegratsııalanǵan basqarý júıesin qamtý úshin biryńǵaı memlekettik saıasat júrgizetin derbes sý sharýashylyǵy vedomstvosyn qurýdy usynamyz», - dedi dedi A. Kúrishbaev Úkimet basshysynyń atyna joldaǵan saýalynda.
Dúnıejúzilik banktiń boljamy boıynsha, Qazaqstandaǵy sý resýrstarynyń kólemi 2030 jylǵa qaraı jylyna 90 km³-den 76 km³-ge deıin tómendeıdi. Bul eldegi sý tapshylyǵy 8 jyldan keıin jylyna shamamen 12-15 km³, ıaǵnı 15%-dy quraıtynyn bildiredi.
«Halyqaralyq sarapshylar atap ótkendeı, Qazaqstandaǵy basty másele sý resýrstaryn josparlaý men baqylaý júıesiniń jetilmegendigi bolyp otyr. Bizdegi búgingi jaǵdaıdy sý resýrstaryn basqarý emes, sýǵa degen suranysty basqarý dep ataýǵa bolady.
Birinshiden, áli kúnge deıin biz respýblıkadaǵy sý resýrstarynyń qorlary týraly naqty aqparatty bilmeımiz. Memlekettik sý kadastryn qazirgideı jeke uıymdar emes, «Qazgıdromet» kásiporny júrgizýi tıis. Ol úshin sý qorynyń monıtorıngin tsıfrlyq formatqa jáne qashyqtan zondtaý tehnologııasyna aýystyrý qajet», -
Onyń paıymynsha, qazirgi zamanǵy talaptardy eskere otyryp, Qazaqstannyń sý resýrstaryn keshendi paıdalaný men qorǵaý shemasyn jańartý qajet. «Árbir sý basseıni úshin sýdyń naqty ózindik qunyn anyqtaý qajet. Onsyz sý resýrstaryn únemdi paıdalaný múmkin emes.
«Sýarmaly egistiktiń tek 16%-yna ǵana tamshylatyp sýarý tehnologııalary men jańbyrlatqysh qondyrǵylardy paıdalanylady. Basqasha aıtqanda, sýarmaly sýdyń kóp bóligi qumǵa ketedi deýge bolady. Sondyqtan sýarmaly eginshilikti memlekettik qoldaý saıasatyn ózgertý qajet. Ony tek sý únemdeý tehnologııalaryn qoldanatyndar ǵana alýy kerek», - dedi senator.
Onyń aıtýynsha, halyqty sapaly aýyz sýmen qamtamasyz etýdegi basty máseleniń biri – sý obektilerinde mamandyrylǵan eksplýatatsııalyq uıymdardyń joqtyǵynda. Densaýlyq saqtaý mınıstrliginiń málimetteri boıynsha, búginde eldegi 235 ortalyqtandyrylǵan sýmen jáne 483 ortalyqtandyrylmaǵan sýmen jabdyqtaý obektileri ıesiz qalǵan.
