Senator BUU Damý baǵdarlamasy sarapshylarymen kezdesti

ASTANA. KAZINFORM - Qazaqstan Respýblıkasy Parlamenti Senatynyń depýtaty Lázzat Qaltaeva BUU Damý baǵdarlamasyndaǵy Táýelsiz baǵalaý keńsesiniń sarapshylarymen kezdesti, dep habarlaıdy joǵary palatanyń baspasóz qyzmeti. 

Kezdesýge qatysýshylar Úkimet nazaryndaǵy áleýmettik qorǵaý júıesiniń tıimdiligin, áleýmettik sala problemalaryn ázirleý men beıimdeýge BUU DB-nyń qoldaý bildirýi máselesin talqylady. Talqylaý barysynda áleýmettik qorǵaý salasynda BUUDB qoldaýymen qol jetken asa mańyzdy nátıjeler qaraldy.

Sarapshylar sonymen qatar iske asyp jatqan jobalar men baǵdarlamalardyń tıimdiligin, onyń ishinde merziminiń saqtalýy men bıýdjetin, sapasy men ýaqytyly iske asýyn baǵalaýdyń mańyzdylyǵyn atap ótti. Jobalardy iske asyrý barysynda týyndaǵan problemalar jáne olardy sheshý joldary, sondaı-aq jobalardy qoldaý men basqarýdy jaqsartýdaǵy BUUDB-nyń múmkindikteri qaraldy.