Senator BQO sýdıalarymen kezdesti
ORAL. QazAqparat - Elbasy Joldaýy men Úndeýin jurtshylyqqa keńinen túsindirý maqsatynda BQO-ǵa jumys saparymen kelgen Senat depýtaty Birǵanym Áıtimova oblystyq sotta bolyp, óńir sýdıalarymen jáne sot qyzmetkerlerimen kezdesti, dep habarlaıdy «QazAqparat» HAA tilshisi.
Senator táýelsizdigine shırek ǵasyr tolǵan elimiz halyqaralyq qaýymdastyqtan óziniń laıyqty orynyn alǵanyn atap kórsetip, Qazaqstannyń halyqaralyq arenadaǵy bedeliniń óse túskendigi Prezıdent saıasatynyń durystyǵyna kóz jetkizetindigine toqtala kelip, jańa jyl Elbasynyń qaýyrt saıası bastamalarymen bastalǵandyǵyna nazar aýdardy. Áýeli Qazaqstandaǵy bılik tarmaqtarynyń ókilettilikterin qaıta bólý jónindegi arnaıy Úndeýi, artynsha Joldaýy jarııalandy. «Bul qoǵamdy demokratııalyq jańǵyrtýdyń jańa kezeńiniń bastalǵandyǵynyń kórinisi», - dedi Birǵanym Saryqyzy.
Bılik tarmaqtarynyń ókilettilikterin qaıta bólý barysynda Ata Zańymyzǵa jáne qyryqtan astam zańdarǵa ózgerister men tolyqtyrýlar engiziletindigin atap kórsetti. Bılik arasalmaǵynyń qaıta bólinisi memlekettik basqarýdy jetildirýge, memlekettik basqarý isine qoǵamnyń belsendi ókilderiniń keńinen tartylýyna baǵyttalyp otyr. Memleket bıznesti qoldaýǵa baǵyt ustalyp, kúshti ortańǵy tapty qalyptastyrýǵa jol ashylmaq.
Prezıdenttiń keıbir ókilettilikteriniń atqarýshy jáne zań shyǵarýshy bılik tarmaqtaryna oıysýyna baılanysty onyń zań kúshi bar jarlyqtardy qabyldaý múmkindigine qatysty norma kókeıtestiligin joıyp otyr. Endi qabyldanǵan zańdarǵa Parlamenttiń jaýapkershiligi, al Úkimettiń zań shyǵarýshy organ aldyndaǵy eseptiligi kúsheıtildi.
-Zań ózgeristerinen keıin Parlamette shuǵyl zańdardy qabyldaý jónindegi qarbalastyqtar bolmaıdy, dedi senator - Prezıdent Parlamenttiń aǵymdaǵy sessııasynyń ishinde birinshi kezekte qabyldanýǵa tıis zańdardyń jobalaryn qaraýdyń basymdylyǵyn aıqyndap beredi.
Budan keıin senator sot júıesine qatysty «Joǵarǵy sot keńesi týraly» jáne «Qazaqstan Respýblıkasynyń sot júıesi jáne sýdıalarynyń mártebesi týraly» zańdarǵa engizilip jatqan ózgeristerge toqtaldy. Sonyń ishinde sýdıalar qaýymdastyǵy kútip júrgen eń ózekti máselelerge nazar aýdardy. Aıta keteıik, buǵan deıingi qoldanystaǵy zańǵa sáıkesti sýdıalardyń kásibı qyzmetine baǵalaý júrgizý barysynda attestatsııadan ótpegen jaǵdaıda sýdıa qyzmetin kelesi synaqqa deıin bir jyl jalǵastyrýyna múmkindigi bolatyn. Jańa zań jobasynda bul norma alynyp tastalynǵan. Endigi jerde attastatsııalan ótpegender sýdıalyq qyzmetin jalǵastyra almaıdy.
B.Áıtimova Prezıdent Joldaýynyń negizgi basymdylyqtary jóninde egjeı-tegjeıli áńgimelep berdi.
Kezdesý sońynda Batys Qazaqstan oblystyq sotynyń azamattyq ister jónindegi sot alqasynyń tóraǵasy Baqytbek Begalıev salıqaly áńgimesi úshin mártebeli meımanǵa sýdıalar men sot júıesiniń qyzmetkerleri atynan rızashylyǵyn bildirip, zań shyǵarýshylyq qyzmetine tabys tiledi. Óz kezeginde senator da qundy usynys-pikirler bildirip, kezdesýdiń maǵynaly da mazmundy ótýine belsendi atsalysqandary jáne zeıin qoıyp tyńdaǵandary úshin jınalǵandarǵa alǵysyn aıtty.
