Senator bes áleýmettik bastamanyń tıimdi tustaryn túsindirdi

ShYMKENT. QazAqparat - Ońtústik Qazaqstan oblysynda arnaıy is-saparmen júrgen QR Parlament Senatynyń depýtaty Álimjan Qurtaev Qazyǵurt aýdanynda bolyp, turǵyndarmen kezdesti, dep habarlaıdy QazAqparat tilshisi.

Kezdesýde baspana alý máselesi men jas mamandardyń kóterme járdemaqylaryn ósirý, jataqhanalarmen qamtý jaıy sóz boldy. Bul rette,  Álimjan Qurtaev  osy jobany júzege asyrý úshin Parlamentte 8 zańnyń qaralyp jatqanyn jetkizdi. Aǵymdaǵy jyldyń mamyr aıynda 15 zańǵa ózgertýlermen tolyqtyrýlar engizilý qarastyrylyp otyrǵandyǵyn aıtty.

«Eger osy jumystar aıaqtalyp, bes áleýmettik bastama sátti júzege asatyn bolsa, eldegi áleýmettiń áleýeti artady. Sebebi, Prezıdent usynǵan «bes bastama» memlekettiń áleýmettik áleýetin nyǵaıtady», - dedi depýtat.

Sondaı-aq, basqosýda aýyl turǵyndary da sheshimin tappaı otyrǵan máselelerin aıtyp, usynys-pikirlerin ortaǵa saldy.