Senator Bekbolat Orynbekov Jambyl oblysyndaǵy ınfraqurylym nysandaryn jańǵyrtý jumysymen tanysty

ASTANA. KAZINFORM – QR Parlamenti Senatynyń depýtaty Bekbolat Orynbekov Jambyl oblysynda bolǵan kezde uzyndyǵy 6,138 km bolatyn M-1 jylý júıesin jańǵyrtý jumysymen tanysty. Depýtat qubyrlardyń tozý dárejesi 68%-ǵa jetkenin, al qaıta qurý jumystary 19 sáýirde bastalyp, jyl sońyna deıin aıaqtalatyny týraly habardar boldy.

Depýtat Tóle bı dańǵylyndaǵy 11 úıdiń qasbetteri men shatyrlaryn jóndeý jumysymen jáne 24 kópqabatty úıdiń keskin-kelbetin jańartý barysymen de tanysty. Senator Taraz qalasyndaǵy 2023 jyly 7 256 úı sýmen qamtamasyz etilgen «Qumshaǵyl», «Shóldala» jáne «Kazarma» saıajaılaryndaǵy magıstraldyq sý qubyrynyń qurylysyn kórip shyqty. Qazirgi kezde ortalyqtandyrylǵan sýmen qamtamasyz etilgen halyqtyń úlesi 97%-ǵa deıin ósip otyr. Depýtat barlyq jumystardy sapaly oryndaý men apattardyń aldyn alý úshin ınfraqurylymdy jańǵyrtýdyń mańyzdyn atap ótti.

Senator Baızaq aýdanyndaǵy 45 oryndyq aýyldyq dárigerlik emdeý mekemesinde, Sarykemer aýylyndaǵy dene shynyqtyrý-saýyqtyrý kesheni men Kópterek aýyldyq okrýgindegi 90 oryndyq mádenıet úıiniń qurylysyn aralady. Senator jergilikti atqarýshy organdar tarapynan qurylysty qatań baqylaýdyń jáne osy jyly obektilerdi paıdalanýǵa berýdi qamtamasyz etýdiń mańyzyn atap ótti.