Senator Balqashtaǵy áleýmettik dúkenderdiń jumysymen tanysty

BALQASh. QazAqparat - Senator Rysqalı Ábdikerov Balqash qalasynda bolyp, qalanyń bilim berý nysandary men áleýmettik dúkenderinniń jumysymen tanysty. Bul týraly QazAqparat Senattyń baspasóz qyzmetine silteme jasap habarlaıdy.

Depýtat qaladaǵy orta mekteptiń qyzmetimen jáne jańa oqý jylyna daıyndyq barysymen tanysty. Sondaı-aq kópsalaly kort pen sport alańyn, sport zaly men oqý kabınetterin aralap kórdi. Depýtat pándik kabınetterdi kompıýterlik tehnıkamen jáne oqý ádebıetimen jabdyqtaý máselelerine nazar aýdardy. Senator sonymen qatar oqý ornynyń qasbetin jóndeý qajettigin de atap ótti.

Qazirgi kezde taýarlarǵa, onyń ishinde birinshi kezektegi ónimderge baǵanyń ósýi halyqty tolǵandyryp otyr. Senator Balqash qalasyndaǵy jaǵdaıdy jan-jaqty zerdeleý úshin áleýmettik dúkenderge baryp, olardyń jumystarymen tanysty. Búgingi tańda qalada 13 azyq-túlik pavılondary men kommýnaldyq dúken jumys isteıdi, olarmen áleýmettik mańyzy bar ónimderdiń baǵasyn ustap turý boıynsha memorandýmdarǵa qol qoıylǵan bolatyn. Depýtat atqarylyp jatqan jumystardy kúsheıtý jóninde birqatar naqty usynystar aıtyp, munyń qala turǵyndary úshin asa mańyzdy ekenin atap ótti. Ákimdik ókilderimen kezdesý barysynda Balqash qalasynda kommýnaldyq bazardyń ashylýy týraly da sóz boldy.

Senator sapar sońynda qala turǵyndarymen de kezdesti, onda qala turǵyndaryn tolǵandyratyn máseleler, eldi mekenniń damý keleshegi jáne basqa da ózekti taqyryptar talqyǵa salyndy.