Senator Astanadaǵy sý tapshylyǵy máselesin kóterdi

ASTANA. QazAqparat – Búgin Senattyń jalpy otyrysynda depýtat Bıbigúl Jeksenbaı elorda turǵyndaryn aýyz sýmen qamtamasyz etý máseleleri jáne olardy sheshý joldary týraly aıtyp berdi, dep habarlaıdy QazAqparat tilshisi.

Onyń aıtýynsha, zertteýler boıynsha elimizde 2040 jylǵa qaraı 50% sý tapshylyǵy bolýy yqtımal.

«Qazirgi kezde elordada sý tapshylyǵy táýligine 30 myń tekshe metrdi qurady», - dedi B. Jeksenbaı.

Senatordyń sózine qaraǵanda, sol jaǵalaýda turǵyn úı qurylysynyń qarqyndy salynýy sý tapshylyǵyna áser etip otyr.

Budan bólek ol 4 mln-nan astam qazaqstandyqty sýmen qamtamasyz etip otyrǵan Ertistiń sýy kóptegen kásiporyndardyń salynýynan, zańdy tulǵalardyń, sharýa qojalyqtarynyń, kooperatıvterdiń sýdy kóp kólemde paıdalanýynan, sondaı-aq únemdemeýinen jáne ekologııalyq jaǵdaılarǵa baılanysty azaıyp keledi.

«Sátpaev kanaly arqyly Ertistiń sýyn elordaǵa burý boıynsha jobadan basqa da balama baǵyttardy qarastyrý kerek. Sýdy bólýdiń halyqaralyq tájirıbesine sáıkes, halyqaralyq quqyq aıasynda transshekaralyq sý resýrstaryn basqarýdyń jańa modelderin qolǵa alý qajet. Sý resýrstaryn keshendi basqarý salasyndaǵy mamandardyń bilim deńgeıin arttyrýdy jáne bilim berý júıesiniń ádistemesin jańartýdy suraımyz», - dedi Bıbıgúl Jeksenbaı Úkimet basshysy Álıhan Smaıylovtyń atyna joldaǵan saýalynda.