Senator Altynbek Nýhuly Pavlodar oblysynyń turǵyndarymen kezdesti
PAVLODAR. KAZINFORM - Parlament Senatynyń depýtaty Altynbek Nýhuly Baıanaýyl aýylynda dene shynyqtyrý-saýyqtyrý kesheni qurylysynyń barysymen tanysty.
Quny 2,5 mlrd teńge bolatyn nysannyń qurylysyn osy jyldyń jeltoqsan aıynda aıaqtaý josparlanyp otyr. Altynbek Nýhuly qurylys alańynan keıin Baıanaýyl aýdanynyń aqsaqaldarymen jáne aktıvimen kezdesý ótkizip, óńirdiń áleýmettik-ekonomıkalyq damý josparyn talqylady.
Depýtat sapar barysynda Musa Shorman aýylynyń turǵyndarymen de kezdesti. Júzdesý kezinde Senat qyzmetiniń qorytyndylary, sondaı-aq akademık Qanysh Sátbaevtyń 125 jyldyǵyna arnalǵan sharalardy iske asyrý barysy týraly aıtyp berdi. Senator sonymen qatar «Aýyl kitaphanalaryna 100 kitap» respýblıkalyq sharasy aıasynda Qanysh Sátbaev atyndaǵy mektep kitaphanasyna kitap syılady.
Depýtat oblys ákimimen kezdesý barysynda pavlodarlyqtardy alańdatyp otyrǵan óńirdegi ózekti máselelerdi talqylady.
