Senator Aqan Bıjanov BUU Joǵary komıssarynyń bosqyndar isi jónindegi basqarmasynyń Astanadaǵy keńsesiniń basshysy Rýslan Qazkenovpen kezdesti
Jahandyq deńgeıdegi kóshi-qon máselelerin retteý úderisterindegi BUU JKBB-nyń belsendi rólin atap óte kelip, A.Bıjanov Qazaqstannyń osy halyqaralyq qurylymmen ózara is-qımylynyń mańyzdylyǵyna toqtaldy.
Memlekettik kóshi-qon saıasatyn jetildirý máselelerine qatysty depýtat osy saladaǵy úderisterdi osy salany quqyqtyq retteýdiń mańyzdylyǵyn atap ótti. «Qazaqstanda tolyqqandy zańnamalyq baza jasaldy. Taıaýda «Bosqyndar týraly» zańǵa túzetýler engizildi, «Kóshi-qon týraly» zańǵa ózgerister men tolyqtyrýlar engizýge oraı jumystar júrip jatyr,-dedi A.Bıjanov.
Bizdiń elimiz kóshi-qon máselelerin retteý sekildi, bosqyndar quqyǵyn qorǵaý salasynda da mańyzdy halyqaralyq qujattarǵa qol qoıǵan bolatyn. «Biz aýqymdy halyqaralyq yntymaqtastyqtyń damýyn jaqtaımyz, óıtkeni, qazirgi jaǵdaıda tek birlesken kúsh-jiger ǵana jahandanýdyń qaterlerine laıyqty jaýap bolady»,-dedi A.Bıjanov.
BUU JKBB-nyń Astanadaǵy ókili zań shyǵarýshy jáne atqarýshy organdarmen belsendi yntymaqtastyqqa múddeli osy ınstıtýt qyzmetiniń baǵyttary týraly áńgimeledi. Yntymaqtastyq aıasyndaǵy ózara is-qımyl kóshi-qon jáne bosqyndar máselesin sheshýge yqpal etetin bolady.
R.Qazkenovtyń pikirinshe, osy saladaǵy Qazaqstannyń tájirıbesi aımaqtaǵy basqa elder úshin ónege bolyp tabylady. «Qazirgi tájirıbeler Dostastyq memleketterine osy máselede oń tabysqa jetý úshin negiz bola alady»,-dedi ol.
BUU JKBB-nyń Astanadaǵy keńsesiniń basshysy bıylǵy qarasha aıynda kóshi-qon jáne bosqyndar isi máseleleri boıynsha halyqaralyq konferentsııa ótkizý josparlanyp otyrǵanyn aıtty. Onyń aıtýynsha, sharaǵa TMD elderiniń, sondaı-aq Qytaı, Iran, Aýǵanstan, Túrkııanyń ókilderi keledi.
