Senator Aqan Bıjanov Almatydaǵy ónerkásip uıymdarymen, shyǵarmashylyq ortalarmen jáne oqýshy jastarmen kezdesti
ASTANA. 24 sáýir. QazAqparat - Ekonomıka, eńbek qatynastary jáne eńbekke tartý salalaryndaǵy memlekettik saıasatty júzege asyrý máseleleri Parlament Senatynyń
Áleýmettik-mádenı damý komıtetiniń tóraǵasy Aqan Bıjanovtyń Almaty qalasyndaǵy ónerkásip uıymdarynyń, shyǵarmashylyq ortalardyń, oqýshy jastar ókilderimen kezdesýleriniń basty taqyrybyna aınaldy.
Almaty aýyr mashına jasaý zaýytynyń ujymymen bolǵan kezdesýde Memleket basshysynyń bıylǵy Joldaýynda belgilengen mindetterdi iske asyrý máseleleri talqylandy. Indýstrııalyq-ınnovatsııalyq baǵdarlamany oryndaýǵa, otandyq óndiristi qoldaýǵa, qazaqstandyq ónimderdiń álemdik naryqtaǵy básekege qabilettiligin arttyrýǵa erekshe nazar aýdaryldy.
«Á. Qasteev atyndaǵy beıneleý óneri jáne tehnıkalyq dızaın keshendi mektebi» RMK oqytýshylar ujymy jáne oqýshylarymen kezdesýde depýtat Senattyń zań shyǵarý qyzmeti týraly áńgimelep, bilim berý, ǵylymdy damytý, mádenıet jáne mamandar daıarlaý týraly zańnamaǵa engizilgen keıingi ózgerister men tolyqtyrýlar týraly habardar etti.
