Senator advokatýranyń ózekti máselelerin atady: Bir advokatqa 4 myń adam
Zań jobasy boıynsha baıandama jasalǵannan keıin Senattyń Konstıtýtsııalyq zańnama, sot júıesi jáne quqyq qorǵaý organdary komıtetiniń múshesi Vladımır Volkov Qazaqstandaǵy advokatýra salasynyń ózekti máselesi týraly sóz qozǵady.
«Qazaqstandaǵy advokattyq qyzmettiń naryǵy jetkilikti dárejede damymaǵan jáne ol sala el damýynyń kórsetkishine saı kelmeıdi. Máselen, búgingi tańda jaýapty organnyń aqparatyna súıensek, 1998 jyldyń 1 qańtarynan bastap 12 500 advokattyq lıtsenzııa berilgen. Al naryqta tek 4 myń advokat qana jumys istep júr. Qalǵandary qaıda - túsiniksiz. ıAǵnı, bizde bir adkokatqa 4 myń adamnan keledi. Damyǵan elderde bir advokatqa 260 adamnan. Italııada máselen 1 advokatqa 900 adamnan keledi», - deıdi senator.
Onyń aıtýynsha, avdokattyq salaǵa ený úshin tólenetin jarna da ózekti másele bolyp tur.
«Osy sebepti jas advokattar jumys bastaý úshin amalsyz nesıe alyp jatady», - deıdi ol.
Depýtat sonymen qatar, advokattar usynatyn qyzmettiń sapasyna basa mańyz berilý kerektigin atap ótti.
«Advokattardyń ústinen túsken shaǵymdardyń jartysynyń qanaǵattandyrylmaıtyny týraly statıstıka bar. Advokattyq birlestikterdiń tártiptik komıssııa qurmaıtyny belgili. Mundaı shaǵymdar ádette respýblıkalyq jáne oblystyq deńgeıde qaralady. Sondaı-aq, advokattar kollegııasynda basshylyqtyń aýyspaýy taǵy bar. Aımaqtarda ondaı kollegııalardy advokattyq praktıkamen aınalyspaı-aq 20-30 jyl boıy basqaryp otyrǵandar barshylyq», - deıdi ol.
