Senator A. Bıjanov Elbasy Joldaýyn túsindirý maqsatynda Almatyda birqatar kezdesýler ótkizdi
ASTANA. 11 aqpan. QazAqparat - Memleket basshysy N. Nazarbaevtyń aǵymdaǵy jylǵy «Áleýmettik-ekonomıkalyq jańǵyrtý - Qazaqstan damýynyń basty baǵyty» atty halyqqa Joldaýyn túsindirý jumystary boıynsha Almatyǵa barǵan sapary barysynda
Parlament Senaty Áleýmettik-mádenı damý komıtetiniń tóraǵasy Aqan Bıjanov qalalyq №5 aýrýhananyń, áýejaıdyń, «Qazaqtelekom» AQ-nyń ujymdarymen, Almaty energetıka jáne baılanys ýnıversıtetiniń stýdentteri jáne muǵalimderimen, Áýezov aýdanynyń aktıvimen kezdesti. Bul týraly Senattyń baspasóz qyzmetinen habarlandy.
Memleket basshysynyń bıylǵy Joldaýynda alǵa qoıǵan mindetterge qatysty senator Aqan Bıjanov áleýmettik jańǵyrtý, qoljetimdi turǵyn úı, memlekettik qyzmet kórsetý sapasyn arttyrý, ındýstrııalyq-ınnovatsııalyq jobalardy iske asyrý, aımaqtyq damý máselelerine nazar aýdardy.
Senator atap ótkendeı, aımaqtar «ósý núktesine» aınalýy kerek, sonda ındýstrııalandyrý barysynda eńbekke tartý máseleleri sheshilýimen qatar, daǵdarys belgileriniń teris áserleri meılinshe azaıyp, ekonomıka nyǵaıady, halyqtyń ál-aýqaty arta túsedi.
Kezdesýler barysynda sondaı-aq Almatynyń áleýmettik-ekonomıkalyq damýyna qatysty máseleler de talqylandy.
