Senator A. Bıjanov Abaı atyndaǵy QazUPÝ ujymymen kezdesti
ASTANA. QazAqparat - 2016 jylǵy 25 qarashada Parlament Senatynyń depýtaty Aqan Bıjanov Abaı atyndaǵy Qazaq ulttyq pedagogıkalyq ýnıversıtetiniń professorlyq-oqytýshylar quramy jáne stýdentterimen kezdesip, «Egemen Qazaqstan jáne Elbasy» taqyryby boıynsha lektsııa oqydy.
Senator bıyl bizdiń elimiz Tuńǵysh Prezıdenttiń kúnin Qazaqstan táýelsizdiginiń 25 jyldyǵy qarsańynda atap ótkeli otyrǵanyna toqtaldy. Senatordyń pikirinshe, bizdiń memleketimizdiń jańa tarıhynda bolyp jatqan saıası jáne áleýmettik-ekonomıkalyq túbegeıli ózgerister Memleket basshysy N.Á.Nazarbaevtyń esimimen tyǵyz baılanysty.
Senator óz sózinde elimizdiń Tuńǵysh Prezıdjenti - Elbasynyń memleketti qurýdaǵy jáne damytýdaǵy, álemniń aldyńǵy qatarda damyǵan 30 eliniń qataryna enýdegi jańa jetistikterge Qazaqstan halqyn jumyldyrýdaǵy aıryqsha rólin erekshe atap ótti.
Sóziniń sońynda A. Bıjanov kezdesýge qatysýshylardy aldaǵy merekelermen quttyqtady jáne ýnıversıtettiń professorlyq-oqytýshylar quramyna elimizdiń qajetine oraı joǵary bilikti mamandar daıarlaý jumystaryna tilektestigin bildirdi.
