Senator Á.Ahmetov halyqaralyq forýmda mádenıetterdiń jaqyndasýy jáne ulttyq erekshelikti saqtaýdyń ózekti máseleleri jaıynda óz oılaryn ortaǵa saldy

ASTANA. 23 tamyz. QazAqparat - Budan buryn habarlanǵandaı, BUU Bas Assambleıasynda 2013-2022 jyldarda mádenıetterdi jaqyndastyrý týraly Qazaqstannyń bastamasymen jarııalanǵan halyqaralyq onjyldyqtyń ashylýyna baılanysty Astanadaǵy Táýelsizdik saraıynda halyqaralyq forým ashyldy. Bul alqaly jıyn ıÝNESKO-men birlesip ótkizilip otyr.

Bul týraly QR Parlamenti Senatynyń baspasóz qyzmeti habarlady.

Forým aıasynda mádenıetaralyq únqatysý men halyqaralyq, aımaqtyq jáne ulttyq deńgeıdegi únqatysýǵa qoldaý bildirý men ony nyǵaıtý, qazirgi zamandaǵy mýltıkýltýralızm máseleleri jáne jahandanýdyń negizgi syn-qaterleri, mádenıetter men halyqtardy jaqyndastyrý úderisterindegi konfessııaaralyq kelisimniń róli taqyryptary boıynsha ınteraktıvtik pikirsaıystar boldy. Oǵan Qazaqstan Respýblıkasy Parlamenti Senatynyń depýtaty, EQYU-nyń Іs basyndaǵy tóraǵasynyń musylmandarǵa qatysty kemsitýshilikpen kúres jónindegi Jeke ókili Ádil Ahmetov qatysyp, sóz sóıledi.

Senator Á.Ahmetov mádenıetterdiń jaqyndasýy jáne ulttyq erekshelikti saqtaýdyń ózekti máseleleri, jahandaný kezeńindegi mádenıetaralyq únqatysý men adamzatqa tóngen qaýip-qaterler jaıynda óz oılaryn ortaǵa saldy. Senator bul turǵyda halyqaralyq, aımaqtyq jáne ulttyq deńgeıdegi kelisim men ózara túsinistikti qamtamasyz etýdegi halyqaralyq uıymdardyń áleýetin joǵary baǵalady.