Senatolar jumys saparymen Arshaly aýdanynda boldy
Jergilikti ákimdikterde ótken kezdesýde Senattyń Qarjy jáne bıýdjet komıtetiniń tóraıymy Olga Perepechına QR Tuńǵysh Prezıdenti – Elbasy Nursultan Nazarbaev aýyldyq bıýdjetterdi paıdalanýdyń jańa sıpatyn 2012 jyly bekitkenin atap ótti.
«2012 jyly bekitilgen Jergilikti ózin-ózi basqarý tujyrymdamasynyń negizgi mindetteriniń biri – aýyl ákimdikteriniń bıýdjetti ózderi qalyptastyrýy men oǵan ıelik etýdegi qarjylyq jáne ekonomıkalyq derbestigin keńeıtý boldy. Memleket basshysy 2020 jylǵy 1 qyrkúıektegi Joldaýynda da jergilikti bılik organdaryna bıýdjettik derbestik berý týraly aıtty», - dedi Olga Perepechına.
Osy rette, tórtinshi deńgeıdegi bıýdjet aýyl ákimdikterine ortalyq organdardan táýelsiz bolýǵa, aýyl problemalaryn ózderi sheshetindeı bıýdjetti derbes qalyptastyrýǵa jáne bólýge múmkindik beretinin aıtýǵa bolady. Osynyń bári aýyl turǵyndarynyń qajettilikterin eskerýge, sol arqyly aýyldaǵy ómir súrý sapasyn jaqsartýǵa yqpal etedi.
Búgingi tájirıbe kórsetip otyrǵandaı, jergilikti jerlerde tórtinshi deńgeıdegi bıýdjetti engizý kezinde suraqtar men problemalar týyndap otyr. Olardyń ishinde jergilikti ózin-ózi basqarý bıýdjetteriniń teńsizdigi, bilikti kadrlardyń jetispeýshiligi, memlekettik organdardyń aqparattyq bazalarynyń oqshaýlyǵy jáne basqa da máseleler bar.
Senatorlar osy saladaǵy máselelerdi egjeı-tegjeıli zerdelep, olardy joıý úshin tıisti sharalar qabyldaý jón sanap otyr.
Aslan Ospanov.