Senatqa saılanǵan 16 depýtat resmı tirkeldi (FOTO)
ASTANA. QazAqparat - Búgin QR Ortalyq saılaý komıssııasy 2014 jyldyń 1 qazanyndaǵy saılaýda saılanǵan QR Parlamenti Senatynyń depýtattaryn resmı tirkedi. Shara barysynda OSK Tóraǵasy Qýandyq Turǵanqulov senatorlarǵa tıisti kýálikteri men belgilengen úlgidegi keýdege taǵatyn belgilerdi tabys etti.
«2014 jyldyń 1 qazan kúni ótken saılaýda aımaq halqynyń atynan ókildik etetin máslıhat depýtattary 16 adamǵa senimderin bildirip, búgin olar Senat depýtattary retinde resmı tirkeýden ótti. Parlament depýtaty bolý - úlken abyroı. Bul árbir depýtattyń aldyna úlken jaýapkershilik júkteıdi. Sebebi Konstıtýtsııa boıynsha halyqtyń jáne memlekettiń atynan bılik etý quqyǵy Elbasy Prezıdentke jáne konstıtýtsııalyq ókilettigi sheginde tek qana Parlamentke berilgen. Sondyqtan bul jaýapkershilikti men tereń sezinemin ári túsinemin», - dedi resmı shara aıaqtalǵannan keıin BAQ ókilderine suhbat bergen senator Sársenbaı Eńsegenov.
Onyń atap ótýinshe, Senat depýtattary aldyndaǵy eń basty mindet - bul qazaq eliniń egemendigin saqtaý, memleketimizdiń tutastyǵyn qamtamasyz etý, Qazaqstannyń árbir azamatynyń áleýmettik jaǵdaıyn jaqsartý.
«Bul baǵytta Elbasynyń «Qazaqstan-2050» Strategııasynda belgilengen baǵyttaryn iske asyrýǵa tıisti sapaly zańdardy qabyldaý mańyzdy mindetterdiń biri dep esepteımin», - dedi ol.
