Senat «Jol júrisi týraly» zań jobasyn Májiliske qaıtardy
ASTANA. QazAqparat - Búgin Parlament Senatynyń jalpy otyrysynda palata depýtattary «Jol júrisi týraly» QR Zańyn ekinshi oqylymda talqylady.
Qujatqa birqatar túzetýler engizilgendikten zań jobasy Parlament Májilisine qaıtaryldy.
Atalǵan qujat jol qozǵalysyn tıimdi uıymdastyrýdy arttyrýǵa, jol qozǵalysy úderisterin basqarýdyń memlekettik júıesin jetildirýge baǵyttalady. Zań jobasynda múddeli memlekettik organdardyń jol júrisi qaýipsizdigin qamtamasyz etýdegi quzyreti men mindetteri aıqyndalady. Budan bólek, elimizde jol qaýipsizdigi aýdıt ınstıtýtyn engizý kózdeledi. Bul ınstıtýt adamı faktordan bolatyn jol apattaryn azaıtýǵa septigin tıgizbek. Aýdıt ınstıtýty negizinen der ýaqytynda ózgerister engizý úshin jobalaý kezeńinde nemese qurylystyń bastapqy kezeńderinde joldyń tehnıkalyq jobasyndaǵy qaýipsizdik qaýpin anyqtaýǵa múmkindik beredi. Al saraptama barysynda usynylatyn jańa nemese jańartylǵan jol ashylǵannan keıin ony paıdalaný deńgeıi baǵalanady.
Budan bólek, jol qozǵalysyna qatysýshylardyń quqyqtary men mindetteri bekitilip, onda azamattardyń quqyǵyn shekteıtin jáne qorǵaıtyn normalar qamtylyp otyr. Sonymen qatar, qujat boıynsha kólik quraldaryna, olarǵa tehnıkalyq qyzmet kórsetý talaptaryna qatysty normalar jeke qarastyrylyp otyr. Kólikti basqarýǵa ruqsat beretin qujat BUU tujyrymdamasynyń talaptaryna sáıkes bolady. ıAǵnı, júrgizýshi kýálikteriniń jańa túrleri engiziledi. Onda 7 sanat pen 6 sanattyń tarmaqshalary qamtylady. Budan bólek, aıyppul salýlarda da birshama ózgerister qaralady. Máselen, aıyppul eger salynǵan ýaqytynan bir táýlik ishinde tólense onyń mólsheriniń 50 paıyzyn ǵana óteý, eger apta ishinde tólense onyń 30 paıyzyn azaıtý kózdeledi. Múgedekterge arnalǵan oryndarǵa avtokólikterdi toqtatýǵa, kólikpen toqtaýǵa qatysty erejeni buzǵany úshin ákimshilik jaýapkershilik qarastyrylady. Júrgizýshilerdi daıarlaý tártibin buzǵandarǵa da jaýap qataıady.
Májilis maquldaǵan zań jobasyna senatorlar tarapynan birqatar túzetýler engizildi. Atap aıtqanda, Senat zań jobasynan «júrgizýdiń agressıvti ádisi» uǵymyn alyp tastaýdy usynady. «Bul norma QR Ákimshilik quqyq buzýshylyq týraly kodeksiniń «manevr jasaý, basyp ozý qaǵıdalaryn buzǵany nemese kólik quralynyń qozǵalysyna kedergi jasaǵany» úshin jaýaptylyq belgileıtin birqatar baptarymen qamtylyp otyr», - deıdi senator Serik Aqylbaı. Onyń aıtýynsha, zań jobasyna senatorlar jıyrmadan astam usynystar engizgen.
