Senat Joǵary aýdıtorlyq palatanyń múshesin taǵaıyndady
ASTANA. KAZINFORM — Búgin Parlament Senatynyń jalpy otyrysynda Joǵary aýdıtorlyq palatanyń múshesi qyzmetine Amangeldi Isenov taǵaıyndaldy.
— Senattyń Qarjy jáne bıýdjet komıteti óz otyrysynda Parlament Senatynyń tóraǵasy usynǵan Amangeldi Isenovtiń Joǵary aýdıtorlyq palatasynyń múshesi laýazymyna taǵaıyndalýyna qatysty kandıdatýrasyn talqylady. Amangeldi Isenov 2000 jyldan bastap memlekettik qyzmette. 2004 jyldan bastap kvazımemlekettik sektor qurylymynda ekonomıka jáne qarjy máseleleri boıynsha basshylyq qyzmetterdi atqarǵan, — dedi senator Sultanbek Mákejanov.
Sonymen qatar Amangeldi Isenov buǵan deıin Eýrazııalyq damý bankiniń basqarma tóraǵasynyń orynbasary, Qazaqstan Damý bankiniń basqarma tóraǵasynyń orynbasary qyzmetin atqardy. Ekonomıka salasyndaǵy jetistikteri úshin Eren eńbegi medalimen marapattalǵan,
Daýys berý barysynda palata depýtattary atalǵan kandıdatýrany qoldady.
Eske salsaq, 2024 jyly jeltoqsan aıynda Senat QR Joǵary aýdıtorlyq palatasynyń múshesi Rashıt Saıranulynyń ókilettigin toqtatty.