Senat Joǵarǵy Sot sýdıalaryn laýazymynan bosatty
ASTANA. 7 maýsym. QazAqparat - Búgin QR Parlamenti Senatynyń jalpy otyrysynda palata depýtattary Qazaqstan Respýblıkasy Joǵarǵy Sotynyń 3 sýdıasyn laýzamynan bosatty jáne Joǵarǵy Sot sýdıalary laýazymyna birqatar azamattardy saılady.
«Baǵdat Ahmetovty, Ǵalıhan Babahovty, Aleksandr Kravchenkony QR Joǵarǵy Sot sýdıasy qyzmetterinen túsýine baılanysty, olardy bosatý týraly Memleket basshysy Nursultan Nazarbaevtyń usynymdaryn Senatqa engizip otyrmyz. Atalǵan sýdıalar zeınetkerlik jasqa jetti. Soǵan oraı olar otstavkaǵa ketý týraly aryzdaryn jazǵan. Sýdıalar sot júıesinde qyzmet atqarǵan aralyqta ózderin bedeldi jáne tájirıbeli sýdıa retinde kórsetti», - dedi QR Prezıdent Ákimshiligi Basshysynyń orynbasary Talǵat Donaqov.
Osyǵan oraı, Senat Memleket basshysynyń usynysyn qabyldap, sýdıalardy laýazymynan bosatty. Al, Senat spıkeri sýdıalardyń qurmetti otstavkaǵa ketýine baılanysty olardyń qyzmetin joǵary baǵalap, alǵysyn jetkizdi. Sonymen qatar Senat QR Joǵarǵy sot sýdıalary laýazymyna Baǵdat Maqulbekovty, Jańylsyn Arqarovany, Gúlnár Rysbekovany, Aıgúl Saparovany, Baýyrjan Jumaǵulovty saılady.
Osyǵan oraı jańa laýazymǵa saılanǵan sýdıalar Senat depýtattary aldynda ant qabyldady.
