Senat Joǵarǵy Sot sýdıalaryn qyzmetten bosatý týraly máseleni qaraıdy
ASTANA. 13 mamyr. QazAqparat - Búgin Senat tóraǵasy Qaırat Mámı Qazaqstan Respýblıkasy Parlamenti Senaty Bıýrosynyń qaýlysyna qol qoıdy.
Ol boıynsha 16 mamyrda bolatyn Senattyń kezekti jalpy otyrysynyń kún tártibi de bekitildi. Bul týraly palatanyń baspasóz qyzmetinen habarlandy.
Jalpy otyrysta senatorlar Qazaqstan Respýblıkasy Joǵarǵy Sotynyń sýdıalaryn saılaý jáne qyzmetinen bosatý máselelerin qaraıdy. Budan bólek, palata elimizdiń keıbir zańnamalyq aktilerine ekonomıkalyq qyzmet salasyndaǵy qylmystardy odan ári qylmystyq sıpattan aryltýǵa baǵyttalǵan zań jobasyn qaraıtyn bolady. Sonymen qatar, jalpy otyrysta zeınetaqymen qamsyzdandyrý jáne keıbir zańnamalyq aktilerge zeınetaqymen qamsyzdandyrý máseleleri boıynsha ózgerister men tolyqtyrýlar engizý týraly ilespe zań jobalaryn (birinshi oqylymda) talqylaý kózdelip otyr.
Sonymen birge, Bıýro barysynda Senattyń turaqty komıtetteri men Apparatqa Parlament Májilisinde maquldanǵan halyqaralyq kelisimderdi ratıfıkatsııalaý týraly eki qujat jáne birqatar zań jobalary berildi.
