Senat Joǵarǵy sot sýdıasyn qyzmetinen bosatty

ASTANA. KAZINFORM — Búgin Senattyń jalpy otyrysynda Joǵarǵy sotynyń sýdıasy laýazymynan bosatyldy. 

Palata otyrysynda Joǵary sot keńesiniń tóraǵasy Dmıtrıı Malahov Prezıdenttiń usynymyn oqyp berdi.

— Senattyń qaraýyna Sara Azymbekqyzy otstavkaǵa ketýine baılanysty Joǵarǵy sottyń sýdıasy qyzmetinen bosatý týraly Memleket basshysynyń usynysy engizildi. Sýdıa zeınetkerlik jasqa toldy jáne 28 jyl sýdıalyq eńbek tájirıbesi bar, — dedi Dmıtrıı Malahov.

Senatorlar bul usynysqa qoldaý bildirip daýys berdi.

Sara Azymbekqyzy S. M. Kırov atyndaǵy Qazaq memlekettik ýnıversıtetin (zańger) támamdaǵan.

Eńbek joly: advokat taǵylymgeri, Semeı oblysy advokattar alqasynyń advokaty (1983-1992), Semeı oblystyq tórelik soty sýdıasynyń máindetterin atqarýshy, sýdıasy (1997-1998), Shyǵys Qazaqstan oblystyq sotynyń sýdıasy (1997-1998), Semeı qalalyq sotynyń sýdıasy (1998-2001), Astana qalasy uıymdastyrý-taldaý basqarmasynyń bastyǵy (2001-2005), QR Joǵarǵy sotynyń uıymdastyrý-taldaý bóliminiń meńgerýshisi (2005-2006), Shyǵys Qazaqstan oblystyq sotynyń azamattyq ister jónindegi alqasynyń tóraıymy (2006-2009), Astana qalasyndaǵy Esil aýdandyq sotynyń tóraıymy (2009-2012), Astana qalasyndaǵy kámeletke tolmaǵandar isteri jónindegi mamandandyrylǵan aýdanaralyq sotynyń tóraıymy (2012-2014), Astana qalalyq sotynyń sýdıasy (2014-2015).