Senat Joǵarǵy sot sýdıasyn qyzmetinen bosatty

ASTANA. KAZINFORM — Búgin Senattyń jalpy otyrysynda QR Joǵarǵy sotynyń sýdıasy laýazymynan bosatyldy.

Palata otyrysynda QR Joǵary sot keńesiniń tóraǵasy Dmıtrıı Malahov Prezıdenttiń usynymyn oqyp berdi.

- Senattyń qaraýyna Nurǵazy Ábdiqanovty otstavkaǵa ketýine baılanysty Joǵarǵy sottyń sýdıasy qyzmetinen bosatý týraly Memleket basshysynyń usynysy engizildi. Sýdıa zeınetkerlik jasqa toldy jáne 27 jyldan astam sýdıalyq eńbek tájirıbesi bar, - dedi D.Malahov.

Eske salsaq, 2020 jyly Nurǵazy Ábdiqanov Joǵarǵy sot sýdıasy laýazymyna saılanǵan edi.

Nurǵazy Ábenuly Ábdiqanov 1962 jyly dúnıege keldi.

1988 jyly KSRO Іshki ister mınıstrliginiń Qaraǵandy joǵary mektebin bitirdi, zań ǵylymdarynyń doktory.

1982-1990 jyldary Qazaq KSR Іshki ister mınıstrliginiń organdarynda ár túrli laýazymdar atqardy. 1990-1996 jyldary Qazaqstan Respýblıkasy memlekettik tergeý komıtetiniń Almaty joǵary mektebinde oqytýshy, aǵa oqytýshy bolyp qyzmet atqardy.

1997-2002 jyldary - Almaty qalalyq sotynyń sýdıasy.

2002-2005 jyldary - Jambyl oblystyq sotynyń qylmystyq ister jónindegi alqa tóraǵasy.

2005-2009 jyldary - Joǵarǵy sottyń sýdıasy.

2009-2017 jyldary - Soltústik Qazaqstan jáne Aqmola oblystyq sottarynyń tóraǵasy.

2017 jyldan Almaty qalalyq sotynyń tóraǵasy boldy.