Senat jer qoınaýyn paıdalaný máselelerine arnalǵan zań jobasyn Májiliske qaıtardy
ASTANA. QazAqparat - Búgin Parlament Senatynyń jalpy otyrysynda «Qazaqstan Respýblıkasynyń keıbir zańnamalyq aktilerine jer qoınaýyn paıdalaný máseleleri boıynsha ózgerister men tolyqtyrýlar engizý týraly» zań jobasy eki oqylymda talqylandy.
Senatorlar qujatqa birqatar ózgerister engizgendikten zań jobasy Májiliske qaıtaryldy.
Atap óterligi, qujatty qabyldaý memlekettik organdardyń sheshimder qabyldaýynyń ashyqtyǵyn qamtamasyz etýge, bızneske quqyqqa syıymsyz aralasýshylyq múmkindigin boldyrmaýǵa, jer qoınaýy salasynda barlyq deńgeıdegi ákimshilik kedergilerdi alyp tastaýǵa yqpal etetin bolady. Engiziletin ózgerister tikeleı sheteldik ınvestıtsııalardyń kelýine jáne geologııalyq-barlaý salasynda kásipkerlikti damytýǵa ári jańa jumys oryndaryn qurýǵa múmkindik beredi dep kútilýde.
Talqylaý barysynda Senat Májilis maquldaǵan qujatqa birqatar túzetý jasady. Atap aıtqanda, ákimshilik aıyppul týraly uǵymǵa ózgerister engizýge baılanysty zań jobasyna qosymsha tarmaq engizildi. Ekinshiden, jer qoınaýyn paıdalaný boıynsha operatsııalardy júrgizýge negiz bolatyn saraptamalardyń túrlerin anyqtaý týraly túzetý jasalyp otyr. Budan bólek, osy saladaǵy ortalyq memlekettik organnyń fýnktsııasy naqtylanady.
Tutastaı alǵanda, zań jobasy Jer jáne Ekologııalyq kodeksterine, Salyq kodeksine, «Jer qoınaýy jáne jer qoınaýyn paıdalaný týraly», «Magıstraldy qubyr týraly» zańdarǵa ózgerister men tolyqtyrýlar engizýdi kózdeıdi
