Senat jer qatynastaryn jetildirýge baǵyttalǵan zań jobasyn birinshi oqylymda maquldandy
ANA. 7 sáýir. QazAqparat /Qanat Mámetqazyuly/ - Búgin QR Parlamenti Senatynyń jalpy otyrysynda senatorlar «QR keıbir zańnamalyq aktilerine jer qatynastaryn retteý máseleleri boıynsha ózgerister men tolyqtyrýlar engizý týraly» zań jobasyn birinshi oqylymda maquldady.
Atalǵan zań jobasyna Májilis depýtattary bastamashylyq jasaǵan bolatyn.
Atalǵan zań jobasy jer zańnamasyn jetildirýge, Jer kodeksiniń jekelegen erejelerindegi qaıshylyqtar men árkelkilikterdi joıýǵa baǵyttalǵan. Sonymen qatar zań jobasy «Nur Otan» HDP janyndaǵy Sybaılas jemqorlyqqa qarsy kúres jónindegi respýblıkalyq keńestiń sheshimderin oryndaý maqsatynda ázirlengen bolatyn. «Zań jobasynda jerdi rezervke qaldyrýǵa baılanysty qatynastar boıynsha quqyqtyq retteýdegi olqylyqtardy joıý maqsatynda Jer kodeksi jańa bappen tolyqtyryldy. Onda jerdi rezervte qaldyrýdyń negizderi, tártibi jáne merzimderi aıqyndalyp, jergilikti atqarýshy organdardyń osy másele boıynsha quzyreti naqtylandy. ıAǵnı, jerdi rezervke alýǵa jergilikti organdarǵa quqyq beriledi. Budan bólek, naryqtyq tetikter eskerilip, eldi mekender aýmaqtaryn baǵalaı otyryp, jerdi aımaqtarǵa bólý máseleleri retke keltirilmek. Buǵan sáıkes, jer ýchaskelerin eldi mekenderde jekemenshikke berý kezindegi olar úshin tólemaqynyń bazalyq stavkalaryn belgileý máseleleri oblystyq, Astana jáne Almaty qalalarynyń ókildi jáne atqarýshy organdarynyń quzyretine jatqyzylady. Qoldanystaǵy zań jobasy boıynsha ondaı stavkalar tek qana Úkimet qaýlysymen bekitilip kelgen edi. Al aýyl sharýashylyǵy maqsatyna arnalǵan jer ýchaskelerin sheteldikter men azamattyǵy joq adamdarǵa jalǵa berý máselesi boıynsha birqatar shekteýler engiziledi. ıAǵnı, osy sanattaǵy tulǵalarǵa osyndaı jerlerdi berý tek oblystyq atqarýshy organ jer qatynastary jónindegi ortalyq ýákiletti organnyń kelisimin alǵannan soń ǵana júzege asyratyn bolady. Buǵan deıin osyndaı sheteldikterge jerdi jalǵa berý jaǵdaıyn aýdandyq nemese aýyldyq máslıhattar sheshe beretin edi. Sonymen qatar, sheteldikterge qoıylatyn dál osyndaı shekteýlerdi jarǵylyq kapıtalyndaǵy sheteldikterdiń, azamattyǵy joq adamdardyń, sheteldik zańdy tulǵalardyń úlesi 50 paıyzdan asatyn qazaqstandyq zańdy tulǵalarǵa da qoldaný belgilenip otyr. ıAǵnı, endigi kúni sheteldikterge jer berý máselesi qatań qadaǵalanady. Jalpy Jer kodeksinde sheteldikterge jer satýǵa ruqsat berilmegen bolsa, endigi kúni bul másele odan saıyn qataıa túsedi. Jurtshylyq arasynda bolatyn alypqashpa sózderge de osy norma tosqaýyl bolady dep sanaımyz», - deıdi zań jobasyna bastamashy bolǵan Májilis depýtaty Tıto Syzdyqov. Onyń aıtýynsha, jeke turǵyn úı salý úshin memleket tarapynan beriletin tegin jer ýchaskelerimen saýda-sattyq jasaýdy bolǵyzbaý maqsatynda da arnaıy normalar qamtylǵan. Bundaı saýdaǵa salýdy boldyrmaý álgindeı ýchaskelerdi ıgerý talaptaryna baılanysty júrgiziledi. ıAǵnı, memleketten úı salý úshin tegin jer telimin alǵan adam, ony tek paıdalaný nysany retinde berilgennen keıin ǵana sata alady. «Osyǵan oraı, kez kelgen azamat memleketten ózine tıesili on sotyq jerdi alyp, ony birden sata almaıdy. Al satqysy keletin bolsa, oǵan tek úı salyp baryp qana sata alady», - deıdi T. Syzdyqov. Budan bólek, zań jobasynda Almaty qalasynda ortaq paıdalaný jerlerinde, kóshe jıekterinde aqyly avtoturaqtardy salý máselelerin uıymdastyrý normalary engizilgen. Birshama saýaldardan soń, Senat depýtattary zań jobasyn birinshi oqylymda maquldap, ekinshi oqylymǵa ázirleý úshin qujatty bas komıtetke joldady.
