Senat jalpy otyrysta 3 zań jobasyn talqylaıdy
ASTANA. 19 jeltoqsan. QazAqparat - Erteń Parlament Senatynyń jalpy otyrysy ótedi. Onda palata depýtattary 3 zań jobasyn talqylaıtyn bolady.
Atap aıtqanda, Májilis maquldaǵan «Qazaqstan Respýblıkasynyń Memlekettik shekarasy týraly» Qazaqstan Respýblıkasy Zańynyń jobasyn, jáne buǵan ilespe «Qazaqstan Respýblıkasynyń keıbir zańnamalyq aktilerine Qazaqstan Respýblıkasynyń Memlekettik shekarasy máseleleri boıynsha ózgerister men tolyqtyrýlar engizý týraly» jobalar birinshi oqylymda talqylanbaq.
Sonymen qatar, Májilis maquldaǵan «Qazaqstan Respýblıkasynyń keıbir zańnamalyq aktilerine Qazaqstan Respýblıkasy Іshki ister mınıstrliginiń Іshki áskerleri máseleleri boıynsha ózgerister men tolyqtyrýlar engizý týraly» zań jobasy da senatorlar talqysyna shyǵarylatyn bolady.
