Senat zańsyz kiristerdi zańdastyrýǵa baǵyttalǵan zań jobasyn Májiliske qaıtardy

jáne terrorızmdi qarjylandyrýǵa jáne aqshany qolma-qol aqshaǵa aınaldyrýǵa qarsy is-qımyl máseleleri boıynsha ózgerister men tolyqtyrýlar engizý týraly» zań jobasy ekinshi oqylymda talqylandy. Talqylaý barysynda birqatar ózgerister engizilip, zań jobasy Májiliske qaıtaryldy.

Eske sala keteıik, atalǵan qujat Konstıtýtsııalyq Keńestiń 2009 jylǵy 20 tamyzdaǵy zańsyz jolmen alynǵan kiristerdi zańdastyrýǵa (jylystatýǵa) jáne terrorızmdi qarjylandyrýǵa qarsy is-qımyl týraly zań normalaryn quqyqtyq pozıtsııaǵa sáıkes keltirý týraly tapsyrmasyna sáıkes ázirlengen.

Bul rette, zań jobasynyń basty nysany ony qabyldaǵan kezde zańnamadaǵy oryn alyp otyrǵan kemshilikterdi, qaıshylyqtardy joıý bolyp tabylady. Al qujattaǵy túzetýler advokattar oryndaıtyn konstıtýtsııalyq mańyzdy mıssııamen olar úshin zańnamamen engizilip otyrǵan óz klıentiniń kúdikti qarjylyq mámileleri týraly ókiletti organǵa habarlaý mindeti arasyndaǵy tartysty boldyrmaıtyn quqyqtyq tetikterdi bekitýge baǵyttalady. Budan bólek, uıymdar men tulǵalardy terrorızm men ekstremızmdi qarjylandyrýmen baılanysty uıymdardyń tizbesinen shyǵarý tetikterin bekitý kózdeledi. Sonymen qatar, zań jobasymen qarjy monıtorıngi sýbektileriniń ishki baqylaý erejelerine qoıylatyn talaptary da rettelip otyr. Qarjy monıtorıngine jatatyn kúdikti operatsııany toqtata turý tártibi de naqtylanǵan.

Talqylaý barysynda Senat tarapynan birqatar ózgerister engizildi. Atap aıtqanda,  senatorlar «qujattyń redaktsııasynda Úkimet bekitetin qaǵıdalardyń quqyqtyq mańyzy aıqyn emes» dep sanaıdy.  Osyǵan baılanysty tıisti aqparattar berýdiń jaǵdaıy men tártibi atalǵan qaǵıdalarǵa sáıkes aıqyndalady dep túsinilýi múmkin. Osyny eskergen joǵary palata depýtattary atalǵan normany bir maǵynada túsindirý úshin naqtylady.

Qujatqa budan basqa da ózgerister engizilip, ol Májiliske joldandy.